POP 5

Lajmet më të lexuara të 5 minutave të fundit

Bota

Trump në Britani: Është koha për një marrëveshje të madhe tregtare

Dita e parë e vizitës së Presidentit amerikan Donald Trump në Britaninë e Madhe është mbyllur me një banket formal të organizuar nga Mbretëresha Elizabeta II. Gjatë pritjes Trump tha se: “Tani është koha për një marrëveshje të madhe tregtare në të ardhmen e afërt”.

Dita e parë e vizitës së Presidentit amerikan Donald Trump në Britaninë e Madhe është mbyllur me një banket formal të organizuar nga Mbretëresha Elizabeta II. Në fjalën e mirëseardhjes, Mbretëresha  tha se: “Dy vendet tona sot po celebrojnë një aleancë që ka siguruar prosperitet për të dy popujt tanë për dekada të tëra".

Presidenti Trump përshëndeti të zotët e shtëpisë dhe të ftuarit duke thënë: Ndjehem shumë i nderuar që po mirëpritem nga figura më e madhe që ka njohur bota në gjashtë dekadat e fundit, një grua inteligjente, e fortë, diplomate, plot besim dhe ndjenjë të lartë detyre. Presidenti  vlerësoi  "miqësinë e çmuar" midis Mbretërisë së Bashkuar dhe Shteteve të Bashkuara, çmoi guximin e popullit britanik gjatë Luftës së Dytë Botërore dhe e quajti mbretëreshën “një grua të madhe”. "Në ato kohë të errëta, populli i këtij kombi i tregoi botën se çfarë do të thotë të jesh britanik", tha Trump duke shtuar se, kurajua e atyre burrave siguroi që fati i Britanisë të mbetej në duart tuaja”.

Vizita e Presidentit Trump është paraprirë nga polemika të shumta. Pasi poshtëroi Kryeministren në largim Theresa May  duke vënë në pikëpyetje aftësitë e saj politike, pasi kërkoi që çështja Brexit të kalonte për zgjidhje në duart e Nigel Farage, si dhe pasi sulmoi  kryebashkiakun e Londrës Sadiq Khan, të gjitha këto pak ditë para festimeve për 75 vjetorin e D-Day në Normandi, Trump u ul në aeroportin Stansted i shoqëruar nga bashkëshortja Melania.  Në kopshtet mbretërorë  Presidenti amerikan u prit nga Princi Çarls dhe Dukesha e Cornëall Camilla.

Pastaj Trump së bashku me Zonja e Parë të Shteteve të Bashkuara u takua me Mbretëreshën Elizabeta II, kësaj here jo duke e lënë atë pas shpine, si vitin e kaluar, dhe duke i shkaktuar mbretëreshës probleme orientimi. Pritja në Buckingham Palace vijoi me përshëndetjen e Presidentit me Gardën e Nderit. Në mbremje Trump morri pjesë në një banket formal të organizuar nga Mbretëresha në pallatin e saj. Sot Presidentit amerikan i është rezervuar  një takim dhe me Kryeministren në largim Theresa May,  e cila pas polemikave në distancë, sigurisht që nuk do ta prese Trump me buzëqeshjen më të ëmbël të mundshme.

Përgatiti Ilir Çuçi

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • CaBone: 04/06/2019 13:00

    Trump eshte bos me kuptimin e plot te fjales. Kto jan lojra pak shum mediatike ( fake news ose afer tyre). Brtania dhe Amerika kan nje super mardhenie me njera tjetren. Te pakten mua me pelqen Trump se thot ate qe mendon dhe sic e mendon nuk i bien nga Kina. Dhe mendoj se ky eshte anti establishment. 2020 do fitoj 100% prap.

    Përgjigju
  • Moni: 04/06/2019 09:14

    Nuk kam dyshime qe Trump eshte «i vecante» ne kuptimin negativ te fjales, por ama si Sadiku i Londres si Megan Markel e kane ofenduar para se ai te pergjigjet, madje ne rastin e kesaj te fundit pergjigja e Trump ka qene shume e bute. Mediat folusohen tek pergjigjet e tij pa treguar arsyen, por duke i paraqitur si deklarata te nje te lajthituri qe ofendon kedo qe i del perpara.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Mos ngurroni të bëni hapin e parë... Çfarë parashikojnë yjet për ju sot

Mos ngurroni të bëni hapin e parë... Çfarë parashikojnë yjet për ju sot

26 Dhjetor, 07:50