Presidenti i SHBA, Donald Trump, ka nënshkruar një urdhër të ri ekzekutiv mbi emigracionin, të hartuar nga një ekip i kryesuar nga dhëndri i tij Jared Kushner, ligj që sipas presidentit është “i drejtë, modern dhe ligjor”.
"Zgjedhja e rastësishme e emigranteve është kundër vlerave amerikane dhe bllokon shumë emigrantë potencial të kualifikuar që kanë shumë për të ofruar në SHBA”-tha Trump në Kopshtin e Shtëpisë së Bardhë.
Propozimi i Shtëpisë së Bardhë mbi emigracionin mban të pandryshuar numrin e kartave të gjelbra të lëshuara për rreth 1.1 milion emigrantë në vit, por do të ndryshojë fokusi në mënyrën e përzgjedhjes së atyre që do të fitojnë të drejtën e pajisjes me Green Card, duke u dhënë prioritet individëve me kualifikim të lartë dhe të arsimuar, krahasuar me ata që kanë në SHBA lidhje familjareapo atyre me nevoja humanitare.
Sipas planit, 57% e vizave të emigracionit do t'u jepen njerëzve me aftësi profesionale dhe intelektuale ose me oferta pune dhe vetëm 33% për njerëzit me lidhje familjare.
Plani i ri për emigracionin eliminon plotësisht programin që njihet si Lotaria amerikane, i cili aktualisht jepet çdo vit për 50,000 njerëz nga vende me nivel të ulët të emigracionit në Shtetet e Bashkuara.
Trump tha gjithashtu se plani i tij "përshpejton lehtësimet për azilkërkuesit legjitim duke eliminuar pretendimet pa merita. Ata që nuk kanë pretendime legjitime do të kthehen menjëherë në shtëpi" shpjegoi presidenti.
Propozimi i Trump, është një përpjekje për të bashkuar republikanët për një problem që i ka ndarë shpesh si dhe një “kartë” e fortë për zgjedhjet e reja presidenciale, ku emigracioni ndoshta do të jetë një çështje kyçe.
Rishikimi i ligjit të imigracionit ka qenë një çështje grindjesh midis republikanëve dhe demokratëve për vite me radhë. Beteja u intensifikua në vitin 2016 kur Trump u shpreh për të ndërtuar një mur në kufirin me Meksikën për të parandaluar hyrjen e emigrantëve ilegal./Përgatiti Ilir Çuçi
Lajme të tjera
-
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
SHBA/ Kërcënime me bomba ndaj të përzgjedhurve të Trump për kabinetin e ri! Reagon FBI
27 Nëntor, 19:01 -
Kina, Meksika dhe Kanadaja reagojnë ndaj kërcënimeve të Trumpit për tarifat tregtare
27 Nëntor, 13:17 -
Lufta në Ukrainë/ Trump zgjedh Kellogg si të dërguar special për Rusinë dhe Ukrainën
27 Nëntor, 07:48 -
Trump nënshkruan marrëveshje me Shtëpinë e Bardhë për të filluar zyrtarisht transferimin e pushtetit
27 Nëntor, 07:13 -
Trump njofton tarifat tregtare, 25% për Kanadanë dhe Meksikën! 10% për Kinën, kryejnë tarfik droge në SHBA
26 Nëntor, 15:34
-
SHBA/ Prokurori i Posaçëm Jack Smith kërkon pushimin e çështjeve ndaj Trump për ndërhyrje në zgjedhje dhe dokumenteve sekrete
25 Nëntor, 20:50 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
SHBA/ Trump emëron Brooke Rollins në krye të Departamentit të Bujqësisë
24 Nëntor, 19:16 -
E ardhmja e NATO-s dhe qëndrimet e Trump
24 Nëntor, 17:30 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37
