POP 5

Lajmet më të lexuara të 5 minutave të fundit

Bota

Trump njeh kreun e opozitës si president të Venezuelës/ Protestë antiqeveritare, 14 të vdekur (VIDEO)

Kjo njohje përkthehet si një lëvizje strategjike e presidentit amerikan për të rritur presionin ndaj presidentit venezuelian, Nicolas Maduro. Ky i fundit po haset gjithnjë e më tepër me kritika. Këtë të mërkurë, mijëra protestues antiqeveritarë demonstruan në rrugët e Karakasit për rrëzimin e Maduros dhe përplasja e tyre me policinë ka shkaktuar vdekjen e 14 personave.

Presidenti i SHBA-së, Donald Trump e ka prezantuar këtë të mërkurë kreun e opozitës së Venezuelës, Juan Guaido, si presidentin e përkohshëm të Venezuelës.

“Qytetarët e Venezuelës kanë vuajtur për një kohë të gjatë në duart e regjimit të paligjshëm të Maduro. Sot, unë kam njohur zyrtarisht Presidentin e Asamblesë Kombëtare të Venezuelës, Juan Guaido, si President i Përkohshëm i Venezuelës”, ka shkruar Trump në rrjetet sociale.

Kjo njohje përkthehet fare mirë si një lëvizje strategjike nga ana e presidentit amerikan për të rritur presionin ndaj presidentit venezuelian Nicolas Maduro, pasi ai është shprehur në një deklaratë se do të përdorte plotësisht peshën e fuqisë ekonomike dhe diplomatike të Shteteve të Bashkuara në favor të rivendosjes së demokracisë venezueliane.

Donald Trump inkurajoi qeveritë e tjera në hemisferën perëndimore që edhe ato ta njohin Juan Guaidon si presidentin e përkohshëm të Venezuelës. Në vazhdën e kësaj atmosfere, mijëra protestues antiqeveritarë demonstruan në rrugët e Karakasit për rrëzimin e presidentit Nicolas Maduro. Ndërsa protestuesit hidhnin objekte dhe thërrisnin “Maduro ik”, policia bllokoi shumë rrugë dhe ura. Pas përplasjeve protestues-polici është raportuar për 14 persona të vdekur.

Pas rizgjedhjes së tij vitin e kaluar, që u konsiderua gjerësisht e paligjshme, presidenti Maduro po përballet konkretisht me kritika globale në rritje. Ndërkohë, opozita beson se shanset e saj për të detyruar Maduron të japë dorëheqjen janë përmirësuar për shkak të krizës ekonomike të vendit dhe pozitës gjithnjë e më të izoluar të Venezuelës në skenën botërore.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

24 Nëntor, 07:05