Presidenti amerikan Donald Trump tha se ai nuk ka pranuar kurrë të heqë sanksionet ndaj Iranit në këmbim të bisedimeve, duke kundërshtuar një pohim të Presidentit iranian Hassan Rouhani.
"Irani donte që unë t’i hiqja sanksionet e vendosura ndaj tyre si kusht për t’u takuar. Dhe unë sigurisht thashë jo!", shkruante në një postim në Twitter Trump.
Më parë gjatë ditës zoti Rouhani tha që Shtetet e Bashkuara ishin ofruar ta bënin një gjë të tillë dhe se çështja ishte në diskutim.
"Ata (Shtetet e Bashkuara) kanë thënë qartë se do t’i heqin të gjitha sanksionet", tha zoti Rouhani, pas kthimit në Teheran nga Asambleja e Përgjithshme e Kombeve të Bashkuara që mbahet në Nju Jork.
Ai tha se vendi i tij ishte i gatshëm për negociata, por jo në klimën aktuale politike.
"Në kushtet e ekzistencës së sanksioneve dhe nën një klimë toksike e presioni maksimal edhe nëse duam të negociojmë me amerikanët nën kornizën 5 plus 1, askush nuk mund të parashikojë se cili do të jetë rezultati përfundimtar i negociatave" tha zoti Rouhani.
Zyrtarët amerikanë dhe sauditë kanë fajësuar Iranin për sulmet ndaj rafinerive të naftës saudite, të cilat bllokuan gjysmën e prodhimit të naftës të këtij vendi.
Zyrtarët iranianë, përfshirë zotin Rouhani, i kanë mohuar akuzat për përfshirje të Teheranit.
Ndërsa shumë udhëheqës botërorë zhvilluan bisedime në ambjentet e selisë qëndrore të Kombeve të Bashkuara këtë javë, nuk pati një takim mes Presidentit Trump dhe atij iranian.
Të dielën e kaluar Presidenti Trump tha se ai nuk kishte ndërmend të bisedonte me Hassan Rouhanin. Nga ana tjetër presidenti iranian pati thënë se ai nuk do të takohej me zotin Trump për sa kohë që Shtetet e Bashkuara mbajnë në fuqi sanksionet ekonomike.
Pak ditë më parë Presidenti Trump njoftoi sanksione të reja kundër Bankës Kombëtare të Iranit, duke përshkallëzuar më tej presionin ekonomik ndaj Republikës Islamike, por duke u tërhequr nga çdo veprim i drejtpërdrejtë ushtarak.
Departamenti amerikan i Thesarit tha të premten se sanksionet e fundit u vendosën pasi banka qendrore e Iranit u angazhua në "terrorizëm" duke siguruar "miliarda dollarë" për trupat e Rojes Revolucionare Islamike dhe Hezbollahun.
Lajme të tjera
-
Kryediplomati i ardhshëm amerikan, Marco Rubio dhe politika e jashtme
23 Nëntor, 18:05 -
Shefi i NATO-s takohet me Trumpin në Florida
23 Nëntor, 12:35 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Shtyhet pa afat vendimi për dënimin e Presidentit të zgjedhur Trump, për çështjen e ngritur ndaj tij në Nju Jork
22 Nëntor, 19:42 -
Donald Trump zgjedh Pam Bondin për prokurore të Përgjithshme të SHBA-së! Matt Gaetz u tërhoq pas akuzave për një skandal seksual
22 Nëntor, 08:30 -
SHBA-ja sanksionon bankën ruse, Gazprombank
21 Nëntor, 22:45 -
SHBA/ Republikani Matt Gaetz heq dorë nga oferta e Trump për Prokuror të Përgjithshëm
21 Nëntor, 19:08 -
VIDEO/ ‘Të futemi përpara se të marrë detyrën Trump’, mijëra emigrantë vërshojnë drejt SHBA-së
21 Nëntor, 17:23
