Presidenti Donald Trump ka njoftuar këtë të hënë (3 shkurt 2025) shtyrjen me një muaj të tarifave doganore 25% ndaj mallrave të Meksikës.

Përmes një postimi në rrjetin social ‘Truth Social”, presidenti republikan shprehet se ai ka zhvilluar sot një bisedë telefonike me presidenten e Meksikës, Claudia Sheinbaum.

Republikani 78-vjeçar shkruan se presidentja Sheinbaum, ka pranuar dërgimin e 10 mijë ushtarëve meksikanë në kufirin mes Meksikës dhe SHBA-ve, me qëllim ndalimin e trafikimit të fentanilit dhe emigracionit të paligjshëm.

“Sapo kam folur me Presidenten Claudia Sheinbaum të Meksikës. Ishte një bisedë shumë miqësore gjatë së cilës ajo ra dakord të dërgojë menjëherë 10,000 ushtarë meksikanë në kufirin që ndan Meksikën dhe Shtetet e Bashkuara. Këta ushtarë do të jenë të caktuar posaçërisht për të ndaluar fluksin e fentanilit dhe migrantëve të paligjshëm në vendin tonë. Ne gjithashtu ramë dakord të pezullojmë menjëherë tarifat e parashikuara për një periudhë njëmujore, gjatë së cilës do të zhvillojmë negociata të udhëhequra nga Sekretari i Shtetit Marco Rubio, Sekretari i Thesarit Scott Bessent dhe Sekretari i Tregtisë Hoëard Lutnick, së bashku me përfaqësues të nivelit të lartë nga Meksika. Mezi pres të marr pjesë në këto negociata me Presidenten Sheinbaum, ndërsa përpiqemi të arrijmë një “marrëveshje” midis dy vendeve tona”,- shkruan Trump.

Tarifat doganore të vendosura nga SHBA, ndaj Meksikës në masën 25%, hynë në fuqi më 1 shkurt, paralelisht me tarifat ndaj Kanadasë dhe Kinës. 

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Janar, 18:35

    Arratisja e Ndocit, mendoni se Burgjet kanë standardet e duhura të sigurisë?

Lajme të tjera