POP 5

Lajmet më të lexuara të 5 minutave të fundit

Bota

Trump si 'Rama-Meloni'/ Emigrantët e paligjshëm do dërgohen në El Salvador, do qëndrojnë atje gjatë shqyrtimit të kërkesave për azil në SHBA

SHBA po diskutojnë zbatimin e një plani dëbimi të emigrantëve të ngjashëm me marrëveshjen Itali-Shqipëri. Emigrantët e paligjshëm do të dërgohen në El Salvador ku do të mund të kryejnë procedurat për kërkimin ë azilit dhe hyrjes në Amerikë. 

Administrata Trump po diskuton një marrëveshje azili me qeverinë e El Salvadorit, që do t'i lejojë Shtetet e Bashkuara të dëbojnë emigrantët e vendeve të treta në kombin e vogël të Amerikës Qendrore.

Këtë e thanë për CBS dy burime të mirëinformuara. Protokolli i "Vendit të Tretë të Sigurt", siç është quajtur, do të autorizonte zyrtarët e imigracionit në Uashington për të dëbuar të huajt që kërkojnë të hyjnë në Shtetet e Bashkuara në El Salvador, të përcaktuar si një "vend i tretë i sigurt". Prandaj atyre do t'u mohohej mundësia për të kërkuar azil në SHBA dhe do të detyroheshin ta kërkonin atë nga autoritetet salvadoriane, të cilat kishin nënshkruar tashmë një marrëveshje të ngjashme me administratën e parë Trump, e cila megjithatë nuk u zbatua kurrë dhe përfundoi duke u shfuqizuar nga ish-presidenti Joe Biden.

Një marrëveshje me një vend të tretë të sigurt mund të përfaqësojë një pikë kthese të rëndësishme për planet e manjatit, politika agresive e të cilit kundër imigracionit të paligjshëm nga Amerika Latine po përplaset me rezistencën e disa vendeve të origjinës së emigrantëve të paligjshëm, veçanërisht Venezuelës, por edhe me Kolumbinë si rasti i fundit.

Presidenti amerikan Donald Trump njoftoi se do të vendosë masa ndaj Kolumbisë, përfshirë tarifa, sanksione dhe ndalime udhëtimi, si kundërpërgjigje ndaj  refuzimit nga Kolumbia të dy avionëve ushtarakë amerikanë me emigrantë që po deportoheshin.

Kolumbia u tërhoq më pas, por Sekretari i Shtetit Marco Rubio urdhëroi menjëherë pezullimin e dhënies së vizave në seksionin konsullor të Ambasadës së SHBA-së në Bogota.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi