Presidenti amerikan Donald Trump ka sulmuar Papa Leone XIV në një postim në Truth.

“Ai është i dobët në frontin e kriminalitetit dhe i tmerrshëm në politikën e jashtme. Flet për frikën ndaj administratës Trump, por nuk përmend frikën që Kisha Katolike dhe të gjitha organizatat e tjera të krishtera përjetuan gjatë Covidit, kur priftërinj, ministra të kultit dhe kushdo tjetër arrestoheshin për kremtimin e shërbesave fetare”, ka shkruar presidenti amerikan.

“Unë preferoj shumë më tepër vëllain e tij Louis sepse është plotësisht MAGA. Ai i ka kuptuar të gjitha. Nuk dua një Papë që e konsideron të pranueshme që Irani të ketë armë bërthamore. Leoni duhet të më jetë mirënjohës sepse, siç e dinë të gjithë, emërimi i tij ishte një surprizë tronditëse. Ai nuk figuronte në asnjë listë të kandidatëve të mundshëm dhe u zgjodh nga Kisha vetëm sepse është amerikan; në fakt, mendohej se kjo ishte mënyra më e mirë për të menaxhuar marrëdhënien me presidentin Donald J. Trump”.

Më tej vijon:

“Nëse unë nuk do të isha në Shtëpinë e Bardhë, Leone nuk do të ishte në Vatikan.”

Pas negociatave të dështuara, në orën 10 të mëngjesit të së hënës, sipas orës së Bregut Lindor, Shtetet e Bashkuara do të nisin një bllokadë të Ngushticës së Hormuzit.

Trump ka deklaruar gjithashtu: “Nuk më intereson” nëse Irani rikthehet në negociata apo jo, duke shtuar se bisedimet për paqe në Pakistan dështuan sepse Teherani nuk pranoi të “heqë dorë nga ambiciet e tij bërthamore”.

Irani ka paralajmëruar se çdo anije ushtarake që i afrohet rrugës detare do të “trajtohet ashpër”, ndërsa kryetari i parlamentit të vendit ka thënë se Teherani nuk do të “dorëzohet nën kërcënime”.

Ministri i jashtëm i Iranit ka deklaruar se të dyja palët ishin “shumë pranë” një marrëveshjeje në Pakistan, por më pas Teherani u përball me “maksimalizëm” dhe “ndryshim të vazhdueshëm të kushteve”.

Lajm në përditësim...

Rendit zhvillimet sipas orarit:
Ora 08:30
Dështimi i negociatave, Trump: S’më intereson nëse Irani rikthehet në bisedime, s’kanë hequr dorë nga arma bërthamore

Duke folur pak më parë në Joint Base Andrews pas kthimit nga Florida, Donald Trump u tha gazetarëve se është “në rregull” edhe nëse Irani nuk rikthehet në negociata.

“Nuk më intereson nëse kthehen apo jo. Nëse nuk kthehen, për mua është në rregull,” tha Trump, një ditë pasi bisedimet për paqe mes SHBA-ve dhe Iranit në Islamabad përfunduan pa marrëveshje.

Ai shtoi se armëpushimi mes SHBA-ve dhe Iranit “po mbahet mirë”.

Trump deklaroi se Teherani ende synon të sigurojë armë bërthamore dhe se këtë e kishte bërë të qartë gjatë takimit në Islamabad.

“Ata ende e duan, dhe e bënë të qartë atë natë. Irani nuk do të ketë armë bërthamore,” u shpreh ai.

Trump tha më herët se bisedimet direkte dështuan sepse Irani “nuk ishte i gatshëm të hiqte dorë nga ambiciet e tij bërthamore”.

Nga ana tjetër, ministri i jashtëm iranian Abbas Araghchi ka deklaruar se palët ishin “shumë pranë” një marrëveshjeje, por se Irani u përball me “maksimalizëm, ndryshim të vazhdueshëm të kushteve dhe bllokadë”.

P.J/Shqiptarja.com

Ora 08:25
Trump ‘shënjestron’ Papa Leone XIV: I dobët dhe i tmerrshëm, po të mos isha unë s’do të emërohej! S’jam fans i tij

1776057871_donaldtrump.jpg

Donald Trump ka sulmuar ashpër Papa Leone XIV në një postim në Truth Social.

“Është i dobët përballë kriminalitetit dhe i tmerrshëm në politikën e jashtme. Flet për frikën ndaj administratës Trump, por nuk përmend frikën që Kisha Katolike dhe të gjitha organizatat e tjera të krishtera përjetuan gjatë COVID-19, kur priftërinj, shërbyes fetarë dhe të tjerë arrestoheshin për shkak të kremtimit të shërbesave fetare”, ka shkruar ai.

“Preferoj shumë më tepër vëllain e tij Louis sepse është plotësisht MAGA. Ai e ka kuptuar gjithçka. Nuk dua një Papë që e konsideron të pranueshme që Irani të zotërojë armë bërthamore”, u shpreh Trump më vonë para gazetarëve. “S’jam fans i tij.”

Presidenti amerikan deklaroi se Papa Leone “duhet të jetë mirënjohës”, duke pretenduar se emërimi i tij ishte i papritur dhe se nuk figuronte mes kandidatëve të mundshëm. Sipas tij, zgjedhja u bë sepse ishte amerikan dhe shihej si një mënyrë për të menaxhuar marrëdhëniet me presidentin amerikan.

“Nëse unë nuk do të isha në Shtëpinë e Bardhë, Leone nuk do të ishte në Vatikan”, ka shtuar Trump.

P.J/Shqiptarja.com

Ora 08:18
Kryeparlamentari iranian tallet me Trump: Do të ndieni nostalgji për çmimin 4-5 dollarë të naftës

Mohammad Bagher Ghalibaf, kryetari i parlamentit iranian që udhëhoqi negociatat në Islamabad, ka ironizuar Donald Trumpin në një postim në X, duke iu referuar planeve të SHBA-ve për të bllokuar Ngushticën e Hormuzit.

“Shijoni çmimet e tanishme të karburantit. Me të ashtuquajturin ‘bllokim’, së shpejti do të ndjeni nostalgji për naftën 4–5 dollarë,” thuhet në postim, i shoqëruar me një hartë që duket se tregon çmimet e karburantit rreth Uashingtonit.

Në një deklaratë të mëparshme të transmetuar nga mediat iraniane, Ghalibaf tha se Irani nuk do të “dorëzohet nën kërcënime”.

Çmimet e naftës u rritën mbi 100 dollarë për fuçi pasi tregjet e energjisë u rihapën pas dështimit të bisedimeve midis SHBA-ve dhe Iranit për një marrëveshje të re, ndërsa Trump deklaroi se do të vendosë bllokadë ndaj porteve iraniane.

Nafta Brent është rreth 102 dollarë, ndërsa ka shqetësime se përshkallëzimi i konfliktit mund të thellojë më tej krizën energjetike globale.

P.J/Shqiptarja.com