Shtetet e Bashkuara zyrtarisht nuk janë më pjesë e Organizatës Botërore të Shëndetësisë (OBSH).

Lajmi është njoftuar përmes faqes zyrtare të Shtëpisë së Bardhë në rrjetet sociale.

“Shtetet e Bashkuara janë larguar nga Organizata Botërore e Shëndetësisë. Kjo përmbush angazhimin e Presidentit Trump sipas një urdhri ekzekutiv të nënshkruar një vit më parë, pas keqmenaxhimit të COVID-19 nga OBSH-ja dhe mungesës së vazhdueshme të reformës, llogaridhënies dhe transparencës”, thotë njoftimi.

Presidenti Donald Trump kishte dhënë njoftim se SHBA do të largohej nga organizata në ditën e parë të presidencës së tij në vitin 2025, përmes një urdhri ekzekutiv.

Sipas një njoftimi për shtyp nga Departamentet amerikane të Shëndetësisë dhe të Shtetit, SHBA do të bashkëpunojë me OBSH-në vetëm në mënyrë të kufizuar për të realizuar tërheqjen.

“Ne nuk kemi plane të marrim pjesë si vëzhgues dhe nuk kemi plane të ribashkohemi,” tha një zyrtar i lartë i shëndetësisë. SHBA tha se planifikon të punojë drejtpërdrejt me vende të tjera dhe jo përmes një organizate ndërkombëtare, për mbikëqyrjen e sëmundjeve dhe prioritete të tjera të shëndetit publik.

P.J/A.I/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • adi: 23/01/2026 08:47

    kjo duhet shpallur organizate terroriste, vrau miliona njerez dhe eksperimentoi me njerezimin gjate covid19

    Përgjigju
  • Sondazhi i ditës: 20 Janar, 20:34

    15 vite nga ‘21 janari’, kush mendoni se urdhëroi për të qëlluar qytetarët?

Lajme të tjera