TIRANË – Trupi i pajetë i kapiten Feti Voglit, vrarë 4 ditë më parë në Afganistan do të mbërrijë mëngjesin e së premtes në atdhe. Ministria e mbrojtjes ka informuar mediat se rreth orës 03.15 të mëngjesit të ditës së nesërme, avioni nga Katari do të ulet në pistën ushtarake të aerorportit të Rinasit, ku do të kryhen homazhet e para. Më pas për më shumë se 3 orë, arkivoli do të zhvendoset në shtëpinë e 31 vjeçarit të vrarë ku do të mbahet ceremonia familjare. Sipas axhendës zyrtare, në orën 10.00 të paradites arkivoli me trupin e Feti Voglit do të vendoset në hollin e Pallatit të Kongreseve, ku për gati 3 orë do të mbahet homazhet. Feti Vogli, i shpallur Dëshmor i Atdheut do të varroset nesër pas mesditës në Varrezat e Dëshmorëve në periferi të kryeqytetit.



P R O G R A MI

Ora 03:15 - Pritet mbërritja e avionit që mbart trupin e të ndjerit


Ora 03:20 - Trumpetat njoftojnë për daljen e arkivolit nga avioni

Ora 03:20 – 03:25 - Përgatitja për fillimin e lëvizjes për tek automjetet

Ora 03:25 – 03:30 - Ecja me arkivolin mbi supet e ushtarakëve për 200 m deri tek makina e
funeralit
Vendosja e arkivolit në makinën e funeralit
Pjesëmarrësit zenë vendet e tyre nëpër makina

Ora 06:45 – 10:00 - Ceremonia mortore familjare

Ora 10:00 – 10:45 - Lëvizja e arkivolit me trupin e të ndjerit për në Pallatin e Kongreseve

Ora 10:45 – 11:00 - Vendosja e arkivolit ne vendin ku do të zhvillohen homazhet në Hollin e Pallatit të Kongreseve

Ora 11:00 – 12:15 - Zhvillimi i homazheve

Ora 12:15 – 12:20 - Zhvillimi i homazheve nga Ministri i Mbrojtjes dhe Shefi i Shtabit

Ora 12:25 – 12:30 - Zhvillimi i homazheve nga Kryeministri

Ora 12:30 – 12:35 - Zhvillimi i homazheve nga Kryetarja e Kuvendit

Ora 12:35 – 12:40 - Zhvillimi i homazheve nga Presidenti

Ora 12:45 – 13:00 - Zënia e vendeve për fillimin e ceremonisë mortore

Ora 13:00 - Fillimi i ceremonisë zyrtare

Ora 13:00 – 13:05 - Himni Kombëtar

Ora 13:05 – 13:10 - Fjala e lamtumirës

Ora 13:10 – 13:11 - Trompetat njoftojnë për përfundimin e ceremonisë

Ora 13:11 – 13:25 - Rreshtimi i pjesëmarrësve në ceremoni për lëvizjen drejt Varrezave të
Dëshmorëve të Atdheut

Ora 13:25 – 13:50 - Lëvizje e kortezhit për në Varrezat e Dëshmorëve të Atdheut

Ora 13:50 – 14:00 - Grumbullimi i pjesëmarrësve në ceremoninë e varrimit dhe vendosja e
tyre në vendet e caktuara

Ora 14.00 – 14.07 - Zhvillimi i Ceremonisë së Apelit të Fundit nga Komandanti i Batalionit të Operacioneve Speciale, Kolonel Dritan DEMIRI

Ora 14.07 – 14.17 - Lëvizja e arkivolit të mbajtur në krahë nga grupi i ushtarakëve për në
vendin e varrimit

Ora 15.00 - Përfundimi i ceremonisë

Ora 15.00 – 15.30 - Lëvizje për në Qendrën Kulturore të Ushtrisë

Ora 15.30 - Dreka e përmortshme

(aq/shqiptarja.com)