MAL I ZI- Ministri i Jashtëm Igli Hasani ka vijuar turin rajonal, ndërsa sot u prit në Mal të Zi nga homologu Filip Ivanović. Dy ministrat e vendosën fokusin në forcimin e marrëdhënieve mes dy vendeve, si edhe perspektivën për integrimin në Bashkimin Europian.
Në fokus të takimit kanë qenë edhe projektet infrastrukturore mes dy vendeve. Ministri Hasani u ndal te projekti për urën mbi lumin Bunë, duke theksuar se do nxisë zhvillimin për dy vendet, ndërsa prioritet mbetet ndërtimi i Autostradës Adriatiko-Joniane
“Një nga projektet më të rëndësishme, siç e përmëndi dhe ministri Ivanović është padyshim ndërtimi i urës mbi lumin Buna, një projekt që do të nxisë perspektivën e zhvillimit në të dy vendet tona dhe do t'i shërbejë integrimit rajonal dhe qarkullimit më të mirë të mallrave. Po tek infrastruktura, vendet tona mbeten të angazhuara për ndërtimin e Autostradës Adriatiko-Joniane, e cila duhet të mbetet një nga prioritetet tona strategjike, sepse lidh Europën Qendrore me bregdetin Adriatiko-Jonian duke sjellë kësisoj një transformim të perspektivës ekonomike të mbarë rajonit”, tha Hasani.
"Sot kemi folur për çështjet më të rëndësishme, si edhe perspektivën europiane dhe aleancës në NATO. Përmes këtyre fushave lidhen projektet dhe planet e përbashkëta, emëruesi i përbashkët i të cilave është devotshmëria e dy ministrave për të dhënë kontribut për marrëdhënie të forta biletarale dhe avancimin në rrugën drejt BE", tha Ivanović.
Dy ministrat thanë se është detyrim i përbashkët që të punojnë më shumë për të çuar përpara bashkëpunim rajonal. Në konferencën për mediat, Hasani gjithashtu tha se në fokus mbetet zbatimi i marrëveshjeve të nënshkruara në mbledhjen e dytë të përbashkët të dy qeverive.
"Me kolegun Ivanoviç ne patëm mundësinë të bisedojmë për thellimin e marrëdhënieve dypalëshe, ku pjesë thelbësore e diskutimit tonë ishte zbatimi i marrëveshjeve të nënshkruara së fundmi, në mbledhjen e dytë të përbashkët të dy qeverive. E kam fjalën këtu për marrëveshjet për hapjen e pikave të reja kufitare, rritjen e investimeve dhe projekteve në zonat ndërkufitare, me një ndikim të drejtpërdrejtë në rritjen e mirëqenies së këtyre zonave, të transportit rrugor, ujor e hekurudhor, me fokus përfshirjen në korridoret evropiane", u shpreh Hasani.
Sa i takon integrimit europian, Ivanović tha se rajoni i sigurt është kusht për të ardhmen e Ballkanit në BE.
“Mali i Zi është një nga vendet e rajonit që ka avancuar më shumë në proceset integruese në BE. Ne shpresojmë që qeveria malazeze do ta përshpejtojë akoma më shumë ritmin e reformave sepse avancimi i çdonjërit nga vendet tona në procesin e integrimit është një kontribut i vyer për mbarë rajonin”, tha Hasani.
“Si vende që ndajmë perspektivën europiane, kemi thënë se suksesi i një vendi është lajm i mirë për të gjithë. Rajoni i sigurt dhe stabël është kusht për të ardhmen tonë të përbashkët europiane”, u shpreh Ivanović.
Ministri i Jashtëm, Igli Hasani është pritur në Mal të Zi nga presidenti i vendit, Jakov Milatoviç si dhe zëvendës kryeministri Nik Gjeloshaj.
Hasani shkruan se ka pati shkëmbim mendimesh me Milatoviç sa i takon intensifikimit të dialogut politik dhe angazhimit të përbashkët për nxitjen e sigurisë dhe qëndrueshmërisë në rajon.
"Mirënjohje Presidentit Jakov Milatovic për pritjen e ngrohtë dhe miqësore. Shkëmbyem mendime mbi bashkëpunimin e mirë mes dy vendeve tona, duke theksuar intensifikimin e dialogut politik dhe angazhimin tonë të përbashkët për të nxitur paqen, sigurinë dhe stabilitetin e rajonit drejt rrugës sonë të përbashkët të integrimit në BE. Në takimin me Zëvendëskryeministrin Nik Gjeloshaj u fokusuam në projektet e prekshme për infrastrukturën, energjinë, zonat kufitare, arsimin, kulturën dhe shkencën mes dy vendeve tona”- shkruan ministri i Jashtëm në rrjetin social ‘X’.
Warmly recieved in Podgorica by the President of Montenegro @JakovMilatovic. Exchanged views on the strong ties between our countries, emphasizing the intensification of political dialogue and our joint commitment to fostering peace, security and stability of the region towards… pic.twitter.com/ZwoI9bE0R7
— Igli Hasani (@IgliHasani) January 18, 2024
Ministri i Jashtëm, Igli Hasani ka mbajtur një konferencë për mediat me homologun malazez, Filip Ivanovic në kuadër të turit rajonal.
Ivanovic tha gjatë fjalës së tij se vizita e Hasanit në Mal të Zi është një konfirmim i marrëdhënieve të mira mes dy vendeve dhe i afërsisë mes dy popujve.
Ai shtoi se një segment i rëndësishëm për marrëdhëniet mes dy vendeve është edhe avancimi i të drejtave të popujve me pakicë në të dyja vendet. Ivanovic u ndal gjithashtu edhe tek siguria në rajon.
“Vizita e kolegut Hasani është konfirmim i marrëdhënieve të mira ndërshtetërore të Malit të Zi dhe Shqipërisë, njëkohësisht është konfirmim i afërsisë së popujve të dy vendeve por edhe një impuls i shtuar për dialog politik në nivel të lartë.
Sot të flasim për çështje më të rëndësishme si edhe perspektivës së rëndësishme evropiane dhe aleancës së NATO-s, përmes këtyre fushave ndërlidhen interesat dhe planet, projektet e përbashkëta, emëruesi i përbashkët i të cilëve është devotshmëria e dy ministrive që të japim një kontribut për marrëdhënie të forta bilaterale, zhvillimit të shoqërive tona dhe avancimit drejt BE.
Përveç një bashkëpunimi në planin bilateral, ne bashkëpunojmë nëpërmjet plotësimit të obligimeve që rrjedhin nga anëtarësimi në NATO.
Në bisedë nga kolegu nga Shqipëria, kam theksuar pjesëmarrje aktive në aleancë, kam folur për devotshmërinë e plotë në integrimin evropian dhe vendosshmërinë tonë në këtë drejtim të shfrytëzojmë pozitën tonë të prijësit në këtë proces dhe të bëjmë një hap drejt hyrjes në union, si vende që ndajnë perspektivën evropiane, kemi thënë se suksesi i një vendi është një lajm i mirë për të gjithë të tjerët.
Sot kemi folur për bashkëpunimin rajonal dhe rëndësinë e ruajtjes së sigurisë dhe marrëdhënieve ndërfqinjësore. Rajoni stabil është parakusht për prosperitetin e mëtejshëm për të ardhmen tonë të përbashkët evropiane. Prandaj është e rëndësishme që në bashkëpunimin e mëtejshëm, qasemi duke udhëhequr vizionin drejt BE-së dhe marrëdhënieve fqinjësore të mira.
Jemi dakorduar që një segment i rëndësishëm i marrëdhënieve tona është avancimi i të drejtave të popujve pakicë në territorin e vendeve tona. Kemi folur edhe se si do ta avancojmë bashkëpunimin ekonomik mes dy vendeve tona. “, theksoi mes të tjerash ministri malazez.
Lajme të tjera
-
Trump emëroi Marco Rubio në krye të diplomacisë, Hasani bën reagimin e parë nga Shqipëria: Mirëpresim të forcojmë më tej lidhjet midis dy vendeve!
14 Nëntor, 11:44 -
Pr.buxheti për shërbimin e jashtëm 3.8 miliardë lekë, Hasani: Më i madhi i alokuar ndonjëherë
13 Nëntor, 15:30 -
Hasani pret kreun e OSBE, zv/kryeministrin e Maltës, ministri: Mbështetje për rrugën tonë drejt BE-së! Borg: Inkurajojmë Shqipërinë për integrim, goditje korrupsionit
13 Nëntor, 10:29 -
Celibashi takim me Hasanin dhe Hoxhën: Koordinim i angazhimeve për realizimin e votës së diasporës
12 Nëntor, 21:34 -
Igli Hasani takon deputetin shqiptar të Kuvendit Popullor të Serbisë: Të përkushtuar për të mbështetur shqiptarët
12 Nëntor, 15:48 -
Komisioni për Çështjet Europiane/ Tabaku: Pse po hapet ambasada në Indi pas mbylljes? Hasani: Po bëhet fuqia e tretë ekonomike, në Indonezi e hapim për Kosovën
11 Nëntor, 10:03 -
Ambasadorët në turin e Ramës me diasporën, debate në komision! Hasani: Shoqëruan kryeministrin, e kanë detyrim, s'pati flamuj as logo partiake! Tabaku: U sulmua opozita
11 Nëntor, 09:40 -
Komisioni për Çështjet Europiane/ Hasani: Do hapim ambasada të reja edhe në Indi e Kenia, 635 mln shtesë në buxhetin 2025, vitin tjetër hapim 2 grup-kapituj të rinj
11 Nëntor, 09:31 -
Java Kulturore e Malit të Zi! Arti dhe tradita bashkohen në një festë të vërtetë kulturore në datat 7 me 12 Nëntor
5 Nëntor, 20:30 -
Ministri Hasani: Njohja e progresit të Shqipërisë drejt integrimit pasqyron angazhimin tonë të fortë në përparimin e reformave
30 Tetor, 17:29 -
OKB, ministri Hasani: Llogaridhënia thelbësore ndaj dhunës seksuale
26 Tetor, 09:46 -
SHBA/ Debati në Këshillin e Sigurimit, Ministri Hasani: Më shumë mbështetje për gratë në zonat e konfliktit
25 Tetor, 09:10
