Nata lezhjane në Prishtinë, turizmi, historia dhe trashëgimia kulturore e Lezhës u prezantuan në panairin e kryeqytetit të Kosovës (VIDEO)

Turizmi, gastronomia, historia dhe trashëgimia kulturore e qytetit të Lezhës në të gjitha dimensionet e saj janë prezantuar këtë herë në një mbrëmje të veçantë të organizuar në Prishtinë. “Nata Lezhjane në Prishtinë”, bëri bashkë personalitete të dy vendeve, të cilët shijuan e vlerësuan që nga resurset natyrore, kulinaria, historia dhe turizmi i qytetit bregdetar.

“Në Lezhë si në qytetet e tjera të Shqipërisë kemi qenë disa herë. Realisht, kënaqemi, pasi është zhvilluar shumë në aspektin infrastrukturor por edhe të turizmit. Është ngritur niveli i turizmit e njohim sidomos tek ushqimet tradicionale".

“Kush është ai shqiptarë që nuk e njeh Lezhën, e cila ka aq shumë tradita të bukura shqiptare. Lezha është gërshetim i të gjithë të mirave që i ka dhënë Zoti”, shprehen pjesëmarrësit.

LEXO EDHE:
Rikthehet panairi ditët e bujqësisë në Lushnje! Mbledh aktorët më të rëndësishëm të bujqësisë në vend dhe rajon

Për kryebashkiakun Pjerin Ndreu, qyteti është një atraksion i veçantë turistik prej vitesh i preferuar nga shqiptarët e Kosovës.

 “Lezha është epiqendra e turizmit që vjen nga të gjithë trojet shqiptare, ku në fakt shqiptarët e Kosovës zënë rreth 65 % të klientelës në Shëngjin”, tha ai.

Çdo sezon veror bregdeti i Shëngjinit dhe Tales mbeten ndër destinacionet kryesore për bashkëkombësit shqiptarë të Kosovës, të cilët e zgjedhin për të pushuar.

TAG:
• pjerin ndreu
• turizmi
• prishtine
• Panairi
• Lezhe