Turqi, 100 persona
në rrënoja nga tërmeti

Pas tërmetit që goditi të enjten një krahinë lindore në Turqi, skuadrat e shpëtimit janë duke kërkuar për dhjetëra të mbetur në rrënoja. Tronditjet e tokës, me 5,6 ballë shkalla rihter, shkaktuan shembjen e disa qindra ndërtesave.

25 ndërtesa të mëdha u kthyen në rrënoja, përfshi një hotel gjashtëkatësh në Van, ku ishin sistemuar gazetarë dhe punonjës të forcave të shpëtimit. Nëntë janë personat e konfirmuar të vdekur deri në drekë. Sipas punonjësve të emergjencës, 23 persona janë nxjerrë të gjallë nga ndërtesat e shembura, por 100 të tjerë janë shpallur të humbur, prandaj bilanci tragjik mund të jetë shumë më i lartë.