Muajin e kaluar, misionet e SHBA pezulluan të gjitha shërbimet e vizave jo emigruese pas arrestimit të një punonjësi të konsullatës amerikane.
Ambasada e Turqisë në Uashington ka thënë gjithashtu se do të procedojë aplikacionet e vizave nga qytetarët e SHBA në një bazë të kufizuar.
Punonjësi i SHBA u mbajt për lidhje të dyshuara me një klerik të fajësuar për grushtin e dështuar të vitit të kaluar në Turqi.
Uashingtoni e cilësoi akuzën si të pabazë dhe që po dëmtonte marrëdhëniet dypalëshe.
Ankaraja për muaj me radhë po i bën presion Uashingtonit për të ekstraduar klerikun amerikan Fethullah Gulen lidhur me rolin e tij të dyshuar në grushtin e shtetit në korrik 2016.
Presidenti turk Rexhep Tajip Erdogan akuzon Gulenin për nxitjen e trazirave, akuzë të cilën e mohon kleriku.
Pas përpjekjes së grushtit të shtetit, i cili u udhëhoq nga oficerë ushtarakë, 40,000 njerëz u arrestuan dhe 120,000 u shkarkuan ose u pezulluan.
Redaksia Online
a.dr/shqiptarja.com