Plot 423 persona janë arrestuar ditën e sotme nga policia turke pasi dyshohen se kanë lidhje me ISIS. Rreth 60 të dyshuar xhihadist pjesa më e madhe të të cilëve janë të huaj janë ndaluar në Ankara. Ndërsa të tjetër janë arrestuar në zona të ndryshme të Turqisë mes Stambollit dhe Gaziantep në kufi me Sirinë.
Operacioni më i madh u regjistrua në provincën juglindore në Sanliurfa, ku policia arrestoi rreth 100 të dyshuar dhe sekuestroi material që i lidh me shtetin islamik.
Sipas autoriteteve të dyshuarit janë të përfshirë në disa prej atentateve që kanë ndodhur në Turqi.
Super operacioni erdhi një muaj pas sulmit të ndodhur natën e vitit të ri ku humbën jetën 39 persona.
Redaksia Online
(B.K/Shqiptarja.com)