Turqi, hetuesit kërkojnë përgjigje
Mediat: Terroristët përdorën taksi

Ende asnjë e dhënë lidhur me sulmin në Stamboll ku mbetën të vrarë 42 njerëz dhe u plagosën 239 të tjerë.  Deri më tani askush nuk ka marrë përgjegjësinë e sulmit  dhe ende hetuesit nuk kanë zbuluar asgjë lidhur me sulmin kamikaz.

Tre terrorist hapën zjarr në aeroportin Ataturk  dhe më pas u hodhën në erë duke shkaktuar një tragjedi të vërtetë.
Mediat ndërkombëtare shkruajnë se atentatorët ndoqën të njëjtën skemë si terroristët e sulmit në Bruksel. Ata mbërritën në aeroportin Ataturk nëpërmjet një taksie.

Të përditshmet turke shkruajnë se pas sulmit policia mori në intervistë taksistin i cili  përcolli terroristët por ai u lirua shumë shpejt.
Vetë shteti turk dyshon se sulmi është kryer nga shteti islamik por deri më tani ende mbetet mister përgjegjësi i sulmit që tronditi jo vetëm Stambollin, por të gjithë botën.

Redaksia online
(e.m/Shqiptarja.com)