Zëvendëskryeministri Truk, Numan Kurtulmus, ka deklaruar gjatë ditës së djeshme se dekreti i presidentit të SHBA-së, Donald Trump, për ndalimin e emigracionit është diçka që nuk mund të pranohet.

Deklarata e Kurtulmus është bërë në një intervistë në gazetën turke “Haber turk”.

“Nuk është e mundur të pranojmë këtë, politika e imigracionit në Perëndim është  ndikuar shumë nga qëndrimet islamofobe”, është shprehur ai.

Presidenti Trump nënshkroi javë e kaluar një dekret në të cili ndalonte për 90 ditë hyrjen në SHBA të shtetasve nga Siria, Jemeni, Irani, Iraku, Somalia, Libia dhe Sudani.

Redaksia Online
D.T/Shqiptarja.com