POP 5

Lajmet më të lexuara të 5 minutave të fundit

Arkiva

Turqi, ditë zie për median, burgim
të përjetshëm për 6 gazetarë

Turqia dënoi me burgim të përjetshëm 6 gazetarë të tjerë disa ditë pasi liroi gazetarin Deniz Yucel, korrespondent i gazetës gjermane “Die Ëelt”, pas një viti të kaluar prapa hekurave për propagandë pro partisë së ndaluar të Punëtorëve të Kurdistanit.
Turqi, ditë zie për median, burgim<br />të përjetshëm për 6 gazetarë<br>
Turqia dënoi me burgim të përjetshëm 6 gazetarë të tjerë disa ditë pasi liroi gazetarin Deniz Yucel, korrespondent i gazetës gjermane “Die Ëelt”, pas një viti të kaluar prapa hekurave për propagandë pro partisë së ndaluar të Punëtorëve të Kurdistanit.

Akuzat ndaj 6 gazetarëve të tjerë janë për lidhje me lëvizjen e klerikut Fethullah Gulen. Ankaraja e akuzoi ish mikun e Recep Tayyip Erdoganit, se është personi që organizoi grushtin e dështuar të shtetit korrikun e vitit 2016. Gazetarët Ahmet Altan, Mehmet Altan, si dhe Nazli Ilicak do ta kalojnë jetën në burg, sepse sipas aktpadisë kanë qenë të informuar që përpara për puçin ushtarak.

Gjykata Penale e Stambollit në fund të seancës së pestë të gjyqit që i akuzonte ata për tentativë në “përmbysje të rendit kushtetues përmes përdorimit të forcës dhe dhunës”, ka pranuar kërkesën e prokurorit për burgim të përjetshëm për të gjashtë Zyrtarisht, dënimi i tyre nënkupton se duhet të kalojnë 40 vite në qeli. Pretendimi se janë përpjekur të godasin rendin kushtetues i privon nga liria edhe gazetarët Fevzi Yazıcın, Yakup Şimşekun e Şükrü Tuğrul Özşengül, të cilët punonin në gazeta dhe një stacion televiziv të lidhur me Gulenin.

“Kjo është një ditë e errët për lirinë e shtypit dhe për drejtësinë në Turqi. Ajo krijon një precedent armiqësor për të gjithë gazetarët e tjerë, që përballen me procese gjyqësore të ngritura mbi akuza të ngjashme të falsifikuara terrorizmi”, deklaroi drejtoresha e degës së “Amnesty International” për Europën, Gauri van Gulik.

Menjëherë pas lirimit, Deniz Yucel udhëtoi drejt Berlinit. Gazetari, arrestimi i të cilit u kthye në shkakun e fërkimeve serioze mes Gjermanisë dhe Turqisë, nuk i ka pranuar asnjëherë akuzat e ngritura ndaj tij.

e.gj/Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Spahiu thirrje: Rama dhe Kurti të fillojnë bashkimin e Shqipëri-Kosovë në një shtet kombëtar

Spahiu thirrje: Rama dhe Kurti të fillojnë bashkimin e Shqipëri-Kosovë në një shtet kombëtar

28 Nëntor, 21:16