Turqi, sulm kamikaz në  qendrën
tregtare, të paktën 5 të vdekur
VIDEO

Një shpërthim i fuqishëm ka ndodhur në Stamboll në bulevardin Istiklal në pjesën euopiane të qytetit. Mediat bëjnë  me dije së bëhet fjalë për një sulm kamikaz ku deri më tani kanë humbur jetën 5 persona, mes të cilëve dhe kamikazi si dhe janë plagosur më shumë se 36 persona, 3 prej të cilëve janë në gjendje kritike për jetën.

12 prej personave të plagosur mësohet se janë shtetas të huaj

Sipas të dhënave të para objektivi i sulmit ishte një stacion policie, por atentatori nuk ishte në gjendje të arrinte në vendndodhje. Qeveria bën përgjegjës partinë e punëtorëve të Kurdistanit.

Tensionet në Turqi janë ende të larta. Të dielën e shkuar një tjetër atentat në Ankara i mori jetën 37 personave.  21 marsi është ditë Nevruzi,  që shënon vitin e ri kurd dhe vendi është në gjendje alarmi pasi druhen për sulme të tjera.

Sa i përket sulmeve ka reaguar në tëitter edhe ministri i jashtëm Ditmir Bushati.  “I tronditur nga sulmi në Turqi. Solidaritet për viktimat dhe familjarët. Ne jemi pranë Stambollit  dhe qëndresës kundër terrorizmit”, shkruan Bushati.




(Trupat e viktimave pas shpërthimit)  Foto të tjera
 

Taksim İstiklal Caddesinde patlama. pic.twitter.com/6e7UJ1r1kq

— Murat Bulut (@muratbulut1991) March 19, 2016

(VIDEO, trupat e viktimave pas shpërthimit)