Turqia e shqetësuar për rritjen e ekstremistëve në PE, ambasadori turk: Atmosfera si para Luftës së II Botërore

Nga Shkodra ambasadori i Turqisë Murat Ahmet Yörük ka folur me nota shqetësuese për rritjen e ekstremistëve në parlamentin Europian.  Sipas tij kjo ndikon në marrëdhëniet mes vendeve. Ambasadori turk u ndal edhe tek sulmet ndaj xhamive në disa shtete.

"Për fat të keq po kalojmë një periudhë të vështirë ku njerëzimi po mbahet larg tolerancës dhe mirëkuptimit, e ku dallimet apo ndryshimet të cilat janë pjesë përbëresë e trashëgimisë tonë globale po kthehen në objekt konfliktesh.

Sulmet terroriste që ndodhen muajt e fundit në Sri Lanka, Zelandën e Re, sulmet brutale në xhamitë tona në SHBA apo Kanada e vende të Europës, na tregojnë madhësinë e kërcënimit të paraqitur nga ky konflikt. Mos të harrojmë dicka, dhuna lind më shumë dhunë. Fatkeqësisht shohim se opozita anti-islamiste, antisemitizmi, antikristianizmi, anti-emigracioni dhe urrejtja ndaj ksenofobise kanë ndikuar gjithë botën.

Dhe për fat të keq partitë politike të krahut të djathtë, poluliste dhe polarizuese që përdorin këtë gjuhë urrejtje depërtojnë në qendër të politikës. Ata i udhëheqin masat e pandërgjegjshme ndaj objektivave konfrontuese dhe destruktive. Këto fe, sektet, racat dhe kombësitë për fat të keq na kujtojnë atmosferën e përgjithshme para Luftës së dytë botërore. Urojmë që mençuria të korri fitoren dhe të triumfojë.

Nuk do të donim të përjetonim të njëjtin ankth që kemi përjetuar 80 vite më parë për shkak të liderëve politikë që mbështesin ideologjitë ekstreme të krahut të djathtë, të cilat e kanë rritur ndikimin e tyre. A mund ta ndalojmë këtë prirje negative? Po. Ne mund ti shmangim këto zhvillime negative duke menduar në mënyrë universale dhe racionale" tha ai. Deklaratat ai i bëri gjatë një iftari që bashkia Yskydar në Turqi shtroi në qytetin e Shkodrës. Rezultatet e zgjedhjeve për PE-në

/r.k./Shqiptarja.com

TAG:
• Murat Ahmet Yörük
• zgjedhjet europiane