POP 5

Lajmet më të lexuara të 5 minutave të fundit

Kronikë

Turqia ofron ndihma për familjet
e prekura nga përmbytjet në jug 

Sot në një ceremoni Ambasadori i Turqisë në Shqipëri, Hidayet Bayraktar iu ka dorëzuar autoriteteve të emergjencave civile shqiptare ndihmat e ardhur nga Agjencia e Emergjencave Civile të Turqisë (AFAD), e përbërë NGA rreth 1700 pako me ndihma ushqimore. VIDEO
Sot në një ceremoni Ambasadori i Turqisë në Shqipëri, Hidayet Bayraktar iu ka dorëzuar autoriteteve të emergjencave civile shqiptare ndihmat e ardhur nga Agjencia e Emergjencave Civile të Turqisë (AFAD), e përbërë NGA rreth 1700 pako me ndihma ushqimore, raporton Anadolu Agency (AA).

Në ceremoninë e dorëzimit e cila u organizua në ambientet e rezervave shtetërore në periferi të Tiranës merrte pjesë Ambasadori i Turqisë në Shqipëri, Hidayet Bayraktar, sekretari i Përgjithshëm i Ministrisë së Brendshme të Shqipërisë,  Genci Gjonçaj, Drejtori i Emergjencave Civile në Shqipëri, Shemsi Premçi, Përfaqësues të AFAD si dhe Këshilltari për Marrëdhëniet Fetare pranë Ambasadës së Turqisë Şaban İşlek.

Sekretari i Përgjithshëm i Ministrisë së Brendshme të Shqipërisë,  Genci Gjonçaj e njohu nga afër Ambasadorin e Turqisë me gjendjen e zonave të përmbytura dhe sistemin e operimit të shpërndarjes së ndihmave. 

Gjonçaj në një prononcim për Anadolu Agency (AA) falënderoi autoritetet turke për ndihmën e dhënë dhe ndërhyrjen në kohë ndaj situatës së krijuar.

Gjonçaj duke falënderuar të gjithë shtetet që kanë kontribuar në këtë emergjencë civile ka dhënë siguri mbi shpërndarjen e plotë dhe të shpejtë si dhe dërgimin në destinacionin e duhur të ndihmave të ardhura nga vende ndryshme dhe Turqia në veçanti.

Gjonçaj në vazhdim të fjalës së tij tha se “përfitoj nga rasti të falënderoj shtetin turk dhe TIKA-n që i gjenden pranë popullit shqiptarë në momente të vështira dhe inkurajoi TIKA-n të vazhdojë të qëndrojë dhe kontribuojë për Shqipërinë dhe shqiptarët pasi ne i jemi mirënjohës për praninë tyre. Jemi të gatshëm të zgjerojmë bashkëpunimin me të jo vetëm në emergjencat civile, por edhe në fushat e tjera”.

Pjesa jugore e Shqipërisë disa ditë më parë u përfshi nga përmbytjet, ku si pasojë u dëmtuan me dhjetëra banesa, biznese dhe u përfshinë nga ujërat mijëra hektarë tokë. Nga kjo situatë autoritetet shqiptare iu drejtuan për ndihmë disa shteteve dhe institucioneve ndërkombëtare.

Redaksia Online
(F.I/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i keq/ Lundrimet Durrës-Ankona, Vlorë-Brindisi dhe anasjelltas do të vijojnë normalisht

Moti i keq/ Lundrimet Durrës-Ankona, Vlorë-Brindisi dhe anasjelltas do të vijojnë normalisht

12 Janar, 08:59