POP 5

Lajmet më të lexuara të 5 minutave të fundit

Bota

Turqia-Rusia-Irani rikonfirmojnë sovranitetin, pavarësinë dhe integritetin territorial të Sirisë

Komunikata e përbashkët e Samitit Trepalësh Turqi-Rusi-Iran vuri theksin mbi sovranitetin, pavarësinë, unitetin dhe integritetin territorial të Sirisë, si mbi angazhimin e fuqishëm ndaj parimeve të Kombeve të Bashkuara.

Turqia-Rusia-Irani rikonfirmojnë sovranitetin, pavarësinë dhe integritetin territorial të Sirisë

Samiti trepalësh për Sirinë u mbajt të hënën Pallatin “Çankaya” të Ankarasë nën mikpritjen e Presidentit Recep Tayyip Erdogan, me pjesëmarrjen e Kryetarit të Shtetit të Rusisë, Vladimir Putin dhe Presidentit të Iranit, Hassan Rouhani.

Në komunikatën e përbashkët të publikuar në fund të samitit, u njoftua refuzimi i çdo përpjekjeje për të krijuar realitete të reja në terren nën maskën e luftës kundër terrorizmit në Siri.

Liderët potencuan se siguria dhe stabiliteti në verilindje të Sirisë mund të garantohet vetëm në themelin e respektit të sovranitetit dhe tërësisë territoriale, ndërsa dënuan vendimin e Shteteve të Bashkuara të Amerikës për Golanin sirian nën pushtim, vendim ky që përbën një shkelje të rëndë të së drejtës ndërkombëtare dhe kërcënon paqen e sigurinë rajonale.

Komunikata vlerësoi gjithashtu se sulmet ushtarake të Izraelit ndaj Sirisë dhunojnë sovranitetin dhe integritetin territorial të Sirisë duke përshkallëzuar tensionin në rajon.

“Pasi shprehën shqetësimin e tyre për rrezikun e përkeqësimit edhe më tej të situatës humanitare në rajon dhe përreth tij si pasojë e vazhdimit të përshkallëzimit të tensionit, liderët ranë dakord për të ndërmarrë hapa konkrete në drejtim të reduktimit të shkeljeve”, nënvizohet mes të tjerash në komunikatën e përbashkët të Samitit Trepalësh Turqi-Rusi-Iran për Sirinë.

Gjithashtu liderët rikonfirmuan besimin e tyre se konflikti në Siri s’mund të zgjidhjet me mjete ushtarake, por vetëm me rrugën e procesit politik nën drejtimin dhe mikpritjen e sirianëve dhe lehtësimin e OKB-së.

Në fund të komunikatës së përbashkët tërhiqet vëmendja se në përgjigje të ftesës së Presidentit Hassan Rouhani, është rënë dakord që Samiti Trepalësh i radhës të mbahet në Iran.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Priftërinjtë Lazaratas: 17/09/2019 17:46

    Hahahahahahaha e konfirmuan, tani u mbetet ta ndihmojnë te mos shkrihet! Hahahahahaha!

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Gjykata më e lartë e Francës konfirmon dënimin për korrupsion ndaj ish-presidentit Sarkozy

Gjykata më e lartë e Francës konfirmon dënimin për korrupsion ndaj ish-presidentit Sarkozy

18 Dhjetor, 16:46