POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Byrek me 12 barishte dhe Sultjash

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Përbërësit:

12 tufa barishte mix

(spinaq, lëpjetë,

pazi, hithra,

bishta qepe dhe hudhra të njoma,

gjethe avdyli, kopër, majdanoz,

nenexhik i freskët, qumështor,

lulëkuqe)

3 kokrra vezë

200 gr djath i bardhë

1 pako peta

10 lgj vaj ulliri

1 gotë qumësht

Pak kripë

Përgatitja:

Lajmë mirë barishtet dhe i grijmë ato me gjatësi 1 cm. I vendosim në një tas dhe pasi të hedhim 1 lugë çaji kripë fillojmë ti shtypim pak me duar. Më pas shtojmë 2 kokrra vezë,3 lugë gjelle vaj ulliri,  thërrmojmë pak djath dhe i trazojmë barishtet së bashku.

Në një tas të vogël trazojmë vezën me vajin e ullirit, me pak kripë dhe me qumësht dhe e lemë mënjëanë për të spërkatur petët.

Lyejmë tepsinë me pak vaj dhe fillojmë shtrojmë petët duke i spërkatur ato në çdo dy petë. Pasi të kemi shtruar gjysmat e petëve përhapim barishtet në të gjithë sipërfaqen e tavës. Vendosim dhe petët e tjera duke i spërkatur me vezë dhe qumësht. E vendosim byrekun në furrë në temperaturën 200 gradë Celsius për 30 minuta. Më pas e nxjerrim nga furra dhe e lemë të ftohet para se ta shërbejmë.

Byrek me 12 barishte

Receta e dytë: Sultjash

Përbërësit:

1 filxhan çaji oriz

1 filxhan çaji ujë

1,4 l qumësht

Pak kripë

1 shkop kanellë

Sheqer vanilje

6-7 lgj sheqer

1 lk gjalp

Përgatitja:

Shpëlajmë orizin dhe vendosim tenxheren me 1 filxhan çaji ujë. Sapo uji të ziejë vendosim në të orizin dhe e lëmë deri sa të përthithë ujin. Fillojmë të shtojmë qumështin pak nga pak. Shtojmë pak kripë, 1 shkop kanëllë dhe e lëmë të ziejë afërsisht për 40-45 minuta duke shtuar qumështin gjithmonë nga pak. Kur qumështi të jetë hedhur komplet në tenxhere dhe të ketë filluar të trashet, pra orizi të jetë zier, shtojmë sheqerin e vaniljen. E lëmë të ziejë deri sa kajmaku të fillojë të rrudhet. Kur shohim që qumështi është bërë si salcë shtojmë 1 lugë gjelle gjalp dhe e trazojmë. Largojmë shkopin e kanellës , e heqim tenxheren nga zjarri dhe e shërbejmë .

Sultjash

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Frrok Çupi: Se me cilin më ngjan ky stil i gazetarit italian!

Frrok Çupi: Se me cilin më ngjan ky stil i gazetarit italian!

25 Prill, 15:07 nga Frrok Çupi