POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Keku i Krishtlindjes dhe Sallatë festive

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Receta e parë: Keku i Krishtlindjes

Përbërësit:

300 gr rrush i thatë( i zi dhe i verdhë)

Rum

500 gr miell

85 gr sheqer

85 gr miell bajamesh

1 lç kanellë

Arrë moskat

Pak kripë

160 ml qumësht

1 kuti maja (pastë)

1 lgj lëkurë limoni

Vanilje

250 gr gjalp ambienti

200 gr peta të thata

1 vezë

250 gr miell

Përgatitja:

Vendosim rrushin e thatë në një tas dhe shtojmë në të rum deri sa mbulohet rushi i thatë. E mbulojmë me kapak ose celefon dhe i lëmë të zbuten. Në një tas vendosim produktet e thata ( miell, sheqer, miellin e bajameve, kripë, , kanellë, arrë moskat) dhe i përziejmë mirë.

Në një enë ngrohim 160 ml qumësht deri sa të vaket.Thërrmojmë majanë tek qumështi, e trazojmë dhe e trazojmë me tel. Hapim një gropë në mes të miellit dhe shtojmë në të qumështin me majanë e thërrmuar. E mbulojmë lehtë me miell dhe e lëmë të pushojë për 30 minuta. Shtojmë lëkurën e limonit, kanellën dhe i përziejmë mirë e mirë dhe fillojmë të shtojmë në të pak nga pak gjalpin dhe e trazojmë vazhdimisht. Shtojmë frutat e thata dhe i punojmë ato së bashku me brumin deri sa të mos shkëputet nga brumi. E lëmë brumin të pushojë për 30 minuta , më pas i japim formën që dëshirojmë. Vendosim kekun në furrë në temperaturën 180ºC për 40-60 minuta.

Kur keku të jetë pjekur , e nxjerrim nga furra dhe e lëm të ftohet pak. Shkrijmë gjalpin dhe lyejmë komplet kekun e Krishtlindjes me ndihmën e një furçe me gjalp. Më pas e pudrosim mirë me sheqer pluhur, e mbështjellim në një letë celefon dhe e lëmë të pushojë. Në fund e shërbejmë.

Receta e dytë: Sallatë festive

Përbërësit:

2 patate të ziera

5 lgj majonezë

1 fileto pule (e zier)

3 lgj arra të copëtuara

2-3 vezë të ziera

1 karrotë

1 shegë

Përgatitja:

Kthejmë patatet e ziera në pure. Vendosim pjatën që do të shërbejmë dhe nëj unazë pa formë. Fillimisht shtojmë 1 shtresë me patatet e ziera. Spërkatim pataten me pak majonezë dhe e hapim në të gjithë formën si shtresë mbi purenë. Vendosim 3 lugë gjelle arra të copëtuara, i nivelojmë ato dhe i spërkatim me pak majonezë. Vendosim karrotën e grirë në rende ose të zier. E mbulojmë përsëri me majonezë. Në fund  mbulojmë sallatën me kokrra shege.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Rama akuzon PD-në: Nxit akte anti-shqiptare në tokë të huaj

Rama akuzon PD-në: Nxit akte anti-shqiptare në tokë të huaj

24 Nëntor, 13:57