POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/ Qumështor me petë dhe Mish me majdanoz

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08:45 – 10:00.

Receta e parë: Qumështor me peta

Përbërësit:

5-6 petë të njoma

1,4 litër qumësht

6 lgj sheqer

Sheqer vanilje

5 lgj miell

50 gr gjalp

6 kokrra vezë

Brumi:

3 e ½ gotë miell

1 lugë vaj

Pak kripë

1 gotë ujë

Përgatitja:

Vendosim tenxheren me qumësht të ftohtë e sheqer dhe e trazojmë deri sa sheqeri të shkrijë. Shtojmë sheqerin vanilje dhe miellin (mund ta hollojmë dhe pak veç,me qumësht të ftohtë nga tenxherja ). E përziejmë me qumështin dhe e trazojmë ngadalë deri sa kremi të lidhet dhe të marrë valë. E largojmë nga zjarri, e lëmë të bjerë pak vala dhe pasi i përziejmë vezët i shtojmë tek kremi.

Lyejmë tepsinë me gjalp dhe vendosim petët një e nga një duke i spërkatur me pak gjalp ose duke lënë anët e petëve të varen në tepsi.

Shpërndajmë kremin në të gjithë sipërfaqen e spërkatur me gjalp, kthejmë anët dhe komplet sipërfaqen e mesit e lëmë të zbuluar. Mund ti lyejmë me të bardhe veze dhe e vendosim në furrë në temperaturë 180ºC për 40-45 minuta.

Qumështor me peta

Receta e dytë: Mish me majdanoz

Përbërësit:

1 kg mish qingji

4 tufa qepë të njoma (1 kg)

Vaj ulliri

1 lgj piper i kuq

4 tufa majdanoz

4 lç oriz

Kripë dhe piper i zi

Përgatitja:

Lajmë mishin dhe e vendosim në tenxhere, e kaurdisim pak dhe e mbulojmë me ujë të valuar dhe e lëmë të ziejë për 40 minuta. Ndërkohë lajmë qepët e njoma, i presim për së gjati horizontalisht e më pas i presim në gjatësi 1 cm, të bardhat dhe pak nga pjesa jeshile.Ngrohim vajin e ullirit (4-5 lugë gjelle) dhe shtojmë në të qepën të cilën e përziejmë herë pas here deri sa ajo të zbutet dhe të zverdhet pak. Shtojmë 1 lugë gjelle piper të kuq dhe e largojmë menjëherë nga zjarri që të mos nxihet piperi duke shtuar qepën në tenxhere me mish. Më pas shtojmë orizin (1 lugë çaji) për ccdo pjatë.Grijmë majdanozin trashë dhe e shtojmë në tenxhere. Rregullojmë shijen me kripë e piper dhe e lëmë të ziejë për 20 minuta e më pas e shërbejmë të ngrohtë.

Mish me majdanoz

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

KLGJ lë në fuqi vendimin e KPK për shkarkimin nga detyra të prokurorit Tasim Puci dhe ndihmësit ligjor Artor Yllit

KLGJ lë në fuqi vendimin e KPK për shkarkimin nga detyra të prokurorit Tasim Puci dhe ndihmësit ligjor Artor Yllit

19 Prill, 20:31