POP 5

Lajmet më të lexuara të 5 minutave të fundit

Receta

Të gatuajmë me Zonjën Vjollca/Mish qengji me qepë e majdanoz dhe Krepa te mbushur me krem dhe fruta

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 09 : 30 – 10 : 30

Përbërësit  :

800 gr – 1 kg mish

1 kg qepë të njoma ( 5 tufa )

30 gr oriz

Vaj ulliri

1 lugë gjelle piper të kuq

4 tufa majdanoz

Kripë dhe piper i zi

Përgatitja

Lajmë mishin dhe  pasi të ngrohim pak vaj e kaurdisim lehtë sat ë ndryshojë ngjyrë . Shtojmë kripë dhe ujë sa të mbulohet  pak mishi dhe e lëmë atë të ziejë për 30 minuta ( jo plotësisht)

Lajmë qepët dhe i presim ato në gjatësi 20 cm, kryesisht pjesën e parë dhe pak jeshile. Atë pjesë jeshile që është më e freskët , afër pjesës së bardhë, jo bishtat.

Vendosim një tenxhere me 4-5 lugë gjelle vaj ulliri. Sapo vaji të ngrohet, shtojmë qepët dhe i kaurdisim ato pa i dhënë ngjyrë, sa qepa të ulë volumin e të zbutet pak.

Pasi lajmë e thajmë majdanozim e presim atë jo shumë hollë.

Qepën e kaurdisim herë pas here sat ë zbutet. Kur ajo të ketë ulur mirë volumin , shtojmë 1 lugë gjelle piper të kuq dhe i trazojmë së bashku deri sa shohim q ëpiperi shpërndahet.

Shtojmë qepën në tenxhere me mish. Barazojmë nivelin e mishit dhe qepës me ujë ( shtojmë pak nëse lëngu i mishit ka shteruar, por asnjëherë lëngu të mos jetë mbi nivelin e mishit, por baraz me të. )

Shtojmë 4 – 5 lugë çaji oriz ( sa të na mbajnë gishtat e dorës)

E rregullojmë me kripë e piper të zi dhe e lëmë gjellën të ziejë për 15 minuta. 10 minutat e fundit shtojmë majdanozin për të zier në temperaturë mesatare.

Receta e dytë : Krepa të mbushur me krem dhe fruta

Përbërësit:

230 gr miell

30 gr kakao

50 gr sheqer

500 ml qumësht

4 vezë

40 gr gjalp

Pak kripë

Mbushja :

100 gr salcë kosi

150 gr pana ëmbëlsire

2 lugë gjelle sheqer pluhur

2 – 3 nektarina

Përgatitja : 

Fillimisht sitim miellin , kakaon, gjysëm luge kafe kripë dhe i sitim në një tas. Shtojmë 2 lugë sheqer pluhur, qumësht dhe i trazojmë me tel dore deri sa të na formohet një brum i hollë.

Shtojmë 3 vezë të rrahura mirë dhe vazhdojmë përzierjen . shtojmë 2 lugë gjelle gjalpë dhe i përziejmë përsëri. E lëmë brumin të pushojë për 10 minuta.

Ngrohim tiganin dhe e lyejmë lehtë me pak gjalp. Shtojmë në të 1 garuzhde brumë në qendër dhe e hapim brumin. E lëmë të piqet nga njëra anë dhe e kthejmë deri sa krepat të piqen në të dyja anët.

Krepat duhet të jenë të ftohtë.

Rrahim panën dhe 1 lugë e gjysëm sheqer pluhur. Shtojmë salcën e kosit dhe i përziejmë se bashku. Lyejmë gjysmën e krepit me krem. Vendosim njëra pas tjetrës fetat e nektarinës dhe embështjellim krepin role.

Të njëjtën gjë bëjmë dhe me krepat etjerë.

Bashkojmë krepat e mbushur së bashku dhe i presim ato në gjatësi dhe pa i lëvizur i pudrosim me kakao.

I vendosim në një pjatancë dhe në fund u dekorojmë sipas shijeve tona.

Ju bëftë mirë

 

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05