Vlorë/ Vendgrumbullimi i mbetjeve tre javë në flakë! Tymi helmon qytetarët: Kemi mall për ajër të pastër

VLORE - Fusha e mbetjeve ne qytetin e Vlorës vijon te digjet prej 3 javësh. Përpjekjet e zjarrfikësve kanë rezultuar të pa suksesshme.

 Vendgrumbullimi i mbetjeve urbane, që vazhdon të çlirojë tymin toksik, ndodhet vetëm 500 metra larg shtëpive dhe pranë zonës së plazhit të vjetër. Banorët e lagjes 24 Maji, janë ata që e vuajnë më së shumti ndotjen.

“Mbeturinat ka marrë zjarr 3 metra poshtë është vështirë të fiket. Duhet të hapet landfilli i ri dhe ti heqin nga këtu. Ne si banorë vuajmë erën e rëndë.  Ka një muaj që nuk fiket. Dyert e dritare nuk I hapim fare. Kemi mall të marrim ajër të pastër. I mbyllim dyer dritare të gjitha. 3 muaj veç tym del. Kemi frikë për shëndetin. Fëmijët I mbajmë brenda, i çojmë në shkollë dhe më si lëmë të dalin”, thanë banorët.

LEXO EDHE:
Vlorë/ Nisin Karnavalet e Nartës, festa tradicionale që vijon pas festës së Pashkëve

Fusha e mbetjeve është kthyer në një gangrenë për Vlorën. Disa herë i është vënë flaka, por përgjegjësit nuk janë zbuluar nga policia dhe prokuroria. Sakaq, Bashkia e Vlorës ende nuk ka e lidhur kontratë me kompaninë e re që do të përfundojë punimet në landfillin e Sherishtës, pas sekuestrimit të “Integrated Energy”. 

M.T/S.G/Shqiptarja.com

TAG:
• fusha e mbetjeve
• Vlore