Kthehej në qeli pas një seance gjyqësore në Gjirokastër ju ikën nga duart togës së shoqërimit dhe arratiset për disa minuta nga burgi i Bënçës në Tepelenë Eduart Sakaj.
Për këtë arratisje prej 200 m larg perimetrit të burgut ka reaguar edhe drejtoria e përgjithshme e burgjeve e cila po ashtu ka nisur hetimet për togën e shoqërimit dhe veprimet e kryera prej tyre.
“Shtetasi Eduart Sakaj është shoqëruar për në Gjykatën e Rrethit Gjyqësor nga forcat e policisë të IEVP Tepelenë, për të marrë pjesë në seancën e planifikuar datë 14.04.2020 ora 11:30. Pas përfundimit të seancës gjyqësore, i paraburgosuri është shoqëruar nga forcat e policisë së burgut, për t’u kthyer sërish në institucion. Gjatë kryerjes së kontrollit trupor, ai u ka ikur punonjësve nga duart dhe ka vrapuar rreth 200 metra, duke kaluar edhe rrethimin perimetrik me qëllim arratisjen,”- sqarojnë burgjet.
Por përse është në burg Sakaj?
Ai është arrestuar në 2019 kur ishte 32 vjeç nga policia e Tepelenës pasi ka plagosur me mjete prerëse një tjetër shtetas nga Memaliaj me inicialet E.K.
Sakaj është në hetim dhe paraburgim edhe për akuzën e përfshirjes në trafik e posedim droge ndërsa sipas Drejtorisë së Burgjeve ai ndodhet në statusin e të paraburgosurit me masën e sigurisë arrest me burg.
Sakaj nga ky moment është vendosur në izolim të posaçëm ndërsa ai do të procedohet penalisht edhe për veprën penale të largimit nga vendi i vuajtjes së dënimit duke rrezikuar një dënim shtesë pesë vite burg sipas nenit 323 të kodit penal.
Ndërsa prej kësaj ngjarje masat e sigurisë në burgun e Bënçës janë shtuar me urdhër të drejtorit të përgjithshëm të burgjeve deri në përfundim të hetimit të kësaj ngjarje.
Komente
Vlonjate eshte?
Përgjigju