POP 5

Lajmet më të lexuara të 5 minutave të fundit

Kronikë

Durim Bami arrestohet për herë të dytë në Dubai, pritet të deportohet drejt Shqipërisë! Konfliktet me ish-deputetin Ndoka dhe dosja 'Revanshi'

Interpol Tirana ka nisur procedurat, teksa Abu Dhabi e ka konfirmuar arrestimin e Bamit për këtë qëllim. Akuzohet se do vriste ish-deputetin Arben Ndoka, teksa edhe ky i fundit po përpiqej ta eliminonte për hakmarrje. U riarrestua më 21 Tetor, pritet të deportohet njëlloj si Plarent Dervishaj. Detaje të dosjes 'Revanshi'

Arrestohet për herë të dytë në Dubai Durim Bami dhe këtë herë me një proces të deportimit drejt Shqipërisë, ku ka çështje penale të hapur nga Prokuroria e Posaçme.

I akuzuar nga SPAK për dosjen e bujshme të grupeve kriminale që paguanin për eliminimin e rivalëve, i cilësuar si kreu i “Bandës së Niklës”, (një prej fraksioneve të grupit), Durim Bami fshihej në Emiratet e Bashkuara Arabe prej kohësh.

Ai ishte kapur më parë dhe lënë nën proces verifikimi, teksa po pak ditë më parë u riarrestua. Interpol Tirana ka nisur procedurat, teksa Abu Dhabi e ka konfirmuar arrestimin e Bamit. Lajmi u konfirmua nga gazetari i Report TV, Sokol Dema.

Ndalimi i tij është bërë prej datës 21 Tetor në Dubai, teksa u njoftuan edhe autoritetet shqiptare, por deri më sot nuk ishte bërë konfirmim zyrtar. Pritet të vijë me deportim, njëlloj si Plaurent Dervishaj.

Bami akuzohet se kishte paguar për eliminimin e ish-deputetit Arben Ndoka, teksa edhe ky i fundit ofronte 1 mln euro për eliminimin e të parit për motive hakmarrjeje.

Herën e parë, ai u ndalua për llogari të SPAK në muajin qershor 2024, pasi prokurorët e posaçëm kishin lëshuar në muajin Maj një mandat arresti si i përfshirë në kultivimin e parcelave të drogës në zonën e Fushë-Krujës, sigurimin e kushteve për të vrarë ish-deputetin e PS në Lezhë, Arben Ndoka si dhe sigurimin e kushteve për të vrarë dy miqtë e Ervis Martinaj, Erigers Mihasin dhe Hektor alias Tori Xheçuka.

Por për këtë arrestim, Durim Bami, mundi të lirohet nga Gjykata e Dubait, pavarësisht se ish-zyrtarë të Ministrisë së Brendshme premtuan sjelljen e tij para drejtësisë.

Në dosjen "Revanshi" SPAK ka të skeduara, edhe fal zbardhjes së bisedave të përgjuara nga SKY ECC, disa grupe të rrezikshme kriminale në vend, që vepronin edhe jashtë Shqipërisë.

A.Q/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • 313: 29/10/2024 08:45

    me kto akuza qe ka 5 vjet burg i ben. jan kopsit letrat ky do flasi per liken do behet pendito plus qe do i bejn edhe pak presion Tomes te hedhi nai lek per fushat

    Përgjigju
  • Turi: 28/10/2024 17:20

    Tik tak Like zeza

    Përgjigju
  • Beni: 28/10/2024 16:48

    Kto po bejne marrveshje, pi vijne po pastrohen Sgjenden prova dhe dalin te lire Ikin nga kerkimi ... bukur shume

    Përgjigju
  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Pas protestave masive të studentëve, Vuçiç: Qeveria e re duhet të formohet brenda 30 ditëve ose do të mbahen zgjedhje të parakoshme

Pas protestave masive të studentëve, Vuçiç: Qeveria e re duhet të formohet brenda 30 ditëve ose do të mbahen zgjedhje të parakoshme

1 Prill, 14:51 nga Arlind Isa