U dënua me 10 vjet burg nga Gjykata, arrestohet pas një viti 38-vjeçari

Tiranë-Policia e Tiranës ka arrestuar një shtetas të dënuar me 10 vite burg për prodhim dhe shitje narkotikësh në bashkëpunim.

Në pranga ka përfunduar shtetasi Fredi Isaraj, 38 vjeç, banues në Tiranë, i cili ishte i shpallur në kërkim rreth një vit më parë pas dënimit me 10 vjet burg.

Njoftimi i policisë:

Tiranë

Kapet dhe ndalohet një shtetas i dënuar me 10 vite burg nga Gjykata e Rrethit Gjyqësor Tiranë për veprën penale “Prodhim dhe shitje lëndësh narkotike e kryer në bashkëpunim”.

Nga Specialistët për Hetimin e Narkotikëve në Drejtorinë Vendore të Policisë Tiranë, u bë ndalimi i shtetasit të shpallur në kërkim policor :

- Fredi (alias Alfred) Isaraj, 38 vjeç, banues në Tiranë.

Ndalimi i këtij shtetasi u bë, pasi Prokuroria e Rrethit Gjyqësor Tiranë ka dërguar urdhërin për ekzekutimin e vendimit Nr.2383, të datës 20.09.2017, të Gjykatës së Rrethit Gjyqësor Tiranë, e cila e ka dënuar këtë shtetas me 10 vite burg për veprën penale “Prodhim dhe shitje lëndësh narkotike e kryer në bashkëpunim”, parashikuar nga neni 283/2 i Kodit Penal.

TAG:
• pranga