U fut me forcë në banesën e një gruaje për të vjedhur dhe e godet me grushte, arrestohet  27-vjeçari në Durrës

U fut me forcë në banesën e një gruaje për të vjedhur dhe e godet me grushte, arrestohet  27-vjeçari në Durrës

Foto ilustruese

DURRËS- Një 27 vjeçar është arrestuar në Durrës pasi ka tentuar të vjedhë me dhunë banesë e një gruaje. Burime zyrtare bëjnë me dije se 27-vjeçari është identifikuar si Dorjan Topuzi.

Topuzi është futur ditën e djeshme në banesën e shtetases M. B., përkatësisht në lagjen 13 Plazh dhe e ka kërcënuar atë me thikë. Sakaq, Topuzi ka ushtruar edhe dhunë fizike ndaj saj duke e goditur me grushte.

Policia ka sekuestruar në cilësinë e provës materiale thikën, ndërsa ndaj 27-vjeçarit rëndon akuza për veprën penale "Vjedhja me dhunë".

"Shërbimet e Stacionit të Policisë Plazh, pas marrjes së informacionit se në një banesë në lagjen nr.13, Plazh, Durrës, një shtetas po tentonte të vidhte me dhunë, menjëherë kanë mbërritur në adresën e dhënë, ku bënë kapjen dhe arrestimin në flagrancë të shtetasit D. T., 27 vjeç, banues në Durrës. Ky shtetas, ditën e djeshme, në lagjen nr.13, Plazh, Durrës, pasi është futur me forcë në banesën ku jetonte me qira shtetasja M. B., e ka goditur atë me grushte dhe nën kërcënimin e një mjeti të mprehtë (thikë), ka tentuar të vjedhë para në shtëpinë e saj", shkruhet në njoftim.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet