VIDEO/ U fut në parakalim të gabuar në aksin Lezhë-Milot, gjobitet më 10 mijë lekë shoferi

Policia rrugore ka gjobitur drejtuesin e një mjeti i cili është futur në parakalim të gabuar në aksin Lezhë-Milot dhe më pas e ka publikuar videon në rrjetet sociale.

Sipas policisë shoferi është gjobitur me 10 000 lekë.

'Në lidhje me një video të postuar në llogarinë në Facebook “Harta Digjitale e Aksidenteve Rrugore”, në të cilën shfaqet drejtuesi i një automjeti, i cili parakalon në kundërshtim me rregullat, një autokolonë në aksin rrugor “Lezhë - Milot”, ju informojmë se:

Menjëherë pas publikimit të videos kanë nisur verifikimet, pas të cilave është identifikuar drejtuesi i këtij automjeti, shtetasi Xh. L..

Për shkeljen e kryer, në bazë të pikës 16 të nenin 146 të Kodit Rrugor, ai është ndëshkuar me masë administrative 10 000 lekë.

Drejtoria Vendore e Policisë Lezhë fton qytetarët që të denoncojnë në numrin 129, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë dhe konform ligjit.‘- njofton policia.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Basha akuzon se ka aleancë PS-Rithemelimi kundër SPAK, e besoni?



×

Lajmi i fundit

Shefi i ushtrisë izraelite thotë se Izraeli do t’i përgjigjet sulmit të Iranit

Shefi i ushtrisë izraelite thotë se Izraeli do t’i përgjigjet sulmit të Iranit