POP 5

Lajmet më të lexuara të 5 minutave të fundit

Kronikë

Tiranë/ U gjet i vdekur në Bërxullë, policia: 48-vjeçari vdiq nga mbidoza e kokainës! Arrestohet shoku, e mbajti disa ditë në shtëpi dhe e hodhi në përrua

Një 48-vjecar i identifikuar si Elton Tahiri që u gjet i vdekur pranë përroit të Limuthit në Bërxullë ka ndërruar jetë për shkak të mbidozës së drogës. Ai ishte bashkë me shokun e tij Majdiel Husa, i cili nuk tregoi që kishin qenë bashkë por e hodhi në përrua.

TIRANË – Mbidoza e kokainës dhe heroinës i ka marrë jetën 48-vjeçarit të identifikuar si Elton Tahiri që u gjet i vdekur më 13 shkurt pranë përroit të Limuthit në Bërxullë. Ai ishte bashkë me shokun e tij Majdiel Husa në banesën e këtij të fundit kur u nda nga jeta. 47-vjeçari është arrestuar pasi vendosi që të mos e kallëzonte ngjarjen në polici por e hodhi në përrua. 

Në dëshminë para hetuesve ka thënë se kishte frikë se mos akuzohej, ndaj e mbajti disa ditë në shtëpinë e tij në zonën e Laprakës dhe më pas e transportoi me makinë dhe e la në përroin e Limuthit.  Elton Tahiri dhe Majdiel Husa kishin disa ditë që ishin depërtuar së bashku nga Gjermania dhe që prej kthimit kanë qëndruar së bashku në banesën e Husës në Laprakë, pasi jetonte i vetëm dhe nuk kishte familjarë.

Viktima nuk kishte kontaktuar për asnjë moment me familjarët e tij dhe nuk u kishte treguar se ishte kthyer nga Gjermania. Policia, që prej konstatimit të trupit në afërsi të Bërxullës nisi verifikimet e të gjitha lëvizjeve që ka kryer që nga kthimi dhe identifikoi edhe shokun e tij Husa, me të cilin kishte ardhur nga jashtë. Husa është mbajtur në vëzhgim dhe pasi është shoqëruar për t’u marrë në pyetje ka rrëfyer të gjithë dinamikën e ngjarjes. Trupin e ka mbajtur në banesën e tij për të paktën 2 ose 3 ditë pasi sipas burimeve kishte nisur dekompozimi.

Gjatë kontrollit në banesën e Husës, shërbimet e Policisë kanë gjetur dhe sekuestruar sende që dyshohet se janë përdorur për konsumimin e lëndëve narkotike dhe automjeti i përdorur nga shtetasi 47-vjeçari për transportimin e trupit të pajetë.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

Rendit zhvillimet sipas orarit:
Ora 11:42
Del FOTO, kush është 48-vjeçari që vdiq në shtëpinë e shokut pas mbidozës nga kokaina dhe heroina

1677235266_4.jpg

Report Tv siguron fotografinë e 48-vjeçarit Elton Tahiri që ndërroi jetë në shtëpinë e shokut pas mbidozës nga kokaina dhe heroina. 

Ora 11:38
Tiranë/ 48-vjeçari vdiq nga mbidoza e drogës, shoku e mbajti disa ditë të vdekur në shtëpi: E hodha në përrua se kisha frikë

1676962508_policianaten1.jpg

Detaje të reja kanë dalë në dritë nga vdekja e 48-vjeçarit në Tiranë që u gjet i vdekur në përroin e Lamuthit. Bashkë me shokun ka qenë duke konsumuar lëndë narkotike në banesën e Majdiel Husës në zonën e Laprakës. Të dy kanë ardhur bashkë nga Gjermania para pak kohësh, të deportuar, kanë shkuar në shtëpi dhe kanë pirë drogë dhe ka vdekur që aty. E ka mbajtur disa ditë në banesë dhe më pas e ka futur në makinë dhe e ka dërguar në Bërxullë. Në deklarime Husa ka thënë se e ka mbajtur nga frika se mund të akuzohej.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lushka: 24/02/2023 12:38

    Ai qenka shok prej verteti te tapos me mall edhe pastaj te Ben edhe ceremoni te denje ...

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça