SHBA- ‘Shqipëria do të vazhdojë përpjekjet për të vënë në vend drejtësinë’. Ky ishte qëndrimi i kryeministrit Edi Rama në Këshillin e Sigurimit në OKB teksa drejtoi debatin për llogaridhënien. Rama u shpreh se të gjithë kriminelët e luftës duhet të japin llogari e të ‘përjashtohen’ nga kjo botë pasi për ta nuk ka vend. Sipas tij, kriminelët që kanë kryer gjenocid duhet të marrin fundin e merituar, të përfundojnë pas hekurave njëjtë si Sllobodan Millosheviç.
"Shkelësit duhet të mos kenë pjesë e vend në botën tonë, ata duhet të kenë pjesë në vendin e tyre pas hekurave si Millosheviç”, u shpreh Rama.
‘Krimeve të luftës duhet t’i themi kurrë më’ tha Rama, teksa shtoi se ka ardhur koha të flasim me vepra e jo me fjalë, pasi i detyrohemi mijëra viktimave të masakrës në Srebrenicë, por edhe 20 mijë grave të dhunuara gjatë spastrimit etnik në Kosovë.
“Na duhet të dëshmojmë vepra e jo vetëm fjalë, të themi sot më shumë se kurrë, kurrë më se i detyrohemi mijëra viktimave të gjenocidit në Srebrenivcë, i detyrohemi atyre që kanë vuajtur masakra dhe krime kundër njerëzimit. 20 mijë gratë e dhunuara në mënyrë mizore gjatë spastrimit etnik në Kosovë ‘98-‘99, ua detyrojmë jetëve të shkatërruara të miliona fëmijëve që u është vjedhur e ardhmja nga agresorë”, tha Rama.
Duke sjellë një citatë nga Martin Luther King ‘Padrejtësia diku është kërcënim për drejtësinë kudo', Rama tha se duke dështuar për 11 vite për të dënuar krimet e regjimit siran ndaj popullit të vet, janë krijuar hapësira për mizori të tjera diku tjetër, referuar luftës në Ukrainë.
Ndonëse regjimi sirian nuk është dënuar, Rama tha se kjo nuk do të thotë që krimet e luftës në Ukrainë nuk duhet të ndëshkohen. Rama pati edhe ‘kritika’ kundrejt Këshillit të Sigurimit, ku tha se lufta aktuale ka shkelur vlerat e normat që ky këshill përfaqëson.
“Krimet e luftës dhe krimet e njerëzimit kemi parë se si minohen shtete të tëra, si rrezikojnë paqen dhe sigurinë. Rasti i konfliktit 11 vjeçar i Sirisë është një shembull tragjik. Duke dështuar për ta vënë përpara përgjegjësisë regjimin sirian për krime kundër popullit të vet, mund të kemi inkurajuar mizori diku tjetër. Mostrajtimi i shkeljeve kudo tjetër nuk duhet të jetë arsye për të mos vepruar askund. Kjo më sjell tek agresioni tragjik që vazhdon në Ukrainë. Ky akt i neveritshëm ka shkelur të gjitha ato çka përfaqëson ky Këshill, vlerat, normat, ligjet që ne respektojmë dhe u detyrohemi njëri-tjetrit”, tha kryeministri.
Kreu i qeverisë ka theksuar se shkelja ndërkombëtare e të drejtave të njeriut është prioriteti i Shqipërisë në OKB. Të pranishëm në debat ishin edhe ambasadori ynë në OKB Ferit Hoxha dhe ministrja e Jashtme Olta Xhaçka.
Debati i kryesuar nga kryeministri Rama shënon fillimin e zbatimit të planit të punës të Presidencës së Shqipërisë në Këshillin e Sigurimit. Takimet e kryesuara nga kryeministri Rama do të pasohen nga disa veprimtari të tjera shënjuese, përgjatë muajit qershor përfshirë në nivel Ministror. Prej datës 1 Qershor Shqipëria mori zyrtarisht drejtimin e Këshillit të Sigurimit në OKB.
Moment historik për vendin tonë e ka konsideruar ministrja e Jashtme, Olta Xhaçka debatin për llogaridhënien që mbajti kryeministri Edi Rama në OKB.
“Sesioni i Këshillit të Sigurimit: ‘Një moment historik për vendin në këtë seancë të parë të KS të OKB-së kushtuar llogaridhënies dhe drejtësisë’. Krenar për ekipin që punoi kaq shumë për t'u përgatitur për këtë", shkruan Xhaçka.
Në fjalën e tij në OKB, kryeministri Edi Rama tha se krimet e luftës në Ukrainë duhet të dënohen. Rama tha se Shqipëria do të vijojë të kërkojë drejtësi, ndërsa theksoi se tashmë ka ardhur koha që të flasim me vepra se i detyrohemi viktimave të gjenocidit në Srebrenivcë, njëjtë siç i detyrohemi viktimave të luftës në Kosovë. Shkelësit e të drejtave të njeriut, Rama tha se duhet të dënohen dhe të mos kenë vend në botën tonë, por të përfundojnë pas hekurave njëjtë si Sllobodan Millosheviç.
"Vlerat tona themelore, të të drejtave të njeriut vijojnë të shkelen në mënyrë sistematike dhe masive. Të gjitha shkeljet e rënda duhen trajtuar me të njëjtën rëndësi. Këto vlera e enigma sanksionohen në atë çka ne e quajmë e drejta ndërkombëtare, ato shfaqen në kuptimin e vërtet në kohë vështirësish, krizash konflikte e luftëra. Nuk ka qenë e lehtë të mbërrihet këtu, 10 mln njerëz janë dashur të vdesin përpara se zbulonim e pranonim parimet e së drejtës ndërkombëtare. Miliona të tjera sakrifikuar për ne për të pranuar përgjegjësinë tonë kolektive për të vepruar në bazë të rregullave dhe për të dhënë llogari kur nuk jemi në gjendje apo nuk kemi vullnet t’i respektojmë ato.
Të gjitha shkelet e rënda të së drejtës ndërkombëtar duhen trajtuar me të njëjtën shkallë drejtësie, siç ka thënë Martin Luther King ‘Padrejtësia diku është kërcënim për drejtësinë kudo'. Jemi të vetëdijshëm që gjendemi në stres të jashtëzakonshëm, dhe ne e dimë që kur dështojmë të respektojmë të drejtën për të vërtetën, institucionet tona bëhen më të dobëta. Ne mund të ndihemi edhe të dëshpëruar edhe të paduruar ndaj shkelësve që veprojnë të lirë.
Na duhet të dëshmojmë vepra e jo vetëm fjalë, të themi sot më shumë se kurrë, kurrë më se i detyrohemi mijëra viktimave të gjenocidit në Srebrenivcë, i detyrohemi atyre që kanë vuajtur masakra dhe krime kundër njerëzimit. 20 mijë gratë e dhunuara në mënyrë mizore gjatë spastrimit etnik në Kosovë ‘98-‘99, ua detyrojmë jetëve të shkatërruara të miliona fëmijëve që u është vjedhur e ardhmja nga agresorë. Të qëndrojmë në mënyrë të vendosur e të mohojmë kontekstin e këtyre krimeve. Mohimi i gjenocidit dhe thirrjeve për dhunë, duhet të dënohen pa asnjë hezitim. Ua detyrojmë fëmijëve tanë, të botës, llogaridhënia sjell përgjegjësi, përgjegjësia sjell veprim, veprimi përforcon drejtësinë dhe e drejtësia kontribuon në paqe. Shkelësit duhet të mos kenë pjesë e vend në botën tonë, ata duhet të kenë pjesë në vendin e tyre pas hekurave si Millosheviç”, tha Rama.
Pak para nisjes së debatit që do të mbajë për llogaridhënien në këshillin e sigurimit në OKB, kryeministri Edi Rama ka mbajtur një dalje mediatike, ku tha se shkelja e të drejtave të njeriut është një prioritet i Shqipërisë në Presidencën që ka marrë në drejtim këtë muaj.
"Ky është vetëm fillimi i Presidencës shqiptare të Këshillit të Sigurimit dhe menjëherë sjellim tashmë për diskutim në Këshill një çështje të rëndësisë së lartë, llogaridhënien. Pas pak minutash do të kem nderin dhe kënaqësinë të kryesoj në emër të Presidencës shqiptare një debat të hapur për forcimin e llogaridhënies dhe drejtësisë për shkeljet e rënda të së drejtës ndërkombëtarë. Zbatimi i së drejtës ndërkombëtare dhe i Kartës së OKB-së, mbrojtja dhe promovimi i të drejtave të njeriut dhe mbështetja e sistemit të OKB dhe i veprimit shumëpalësh janë në zemër të politikës së jashtme shqiptare e po kështu janë përparësitë kryesore të mandatit tonë në Këshillin e Sigurimit.
Jetojmë në kohëra ku konfliktet dhe pasojat shkatërrimtare që ato kanë mbi civilët dhe infrastrukturën civile janë bërë më të kudogjendura dhe më vdekjeprurëse. Dëmi shkatërrimtar për civilët, përfshi edhe nivelet alarmuese të pasigurisë ushqimore që mund të çojnë me gjasë në një uri të pashembullt në jetën tonë, e bëjnë nevojën për një llogaridhënie më efektive, një çështje kyçe për Kombet e Bashkuara dhe vendet e saj anëtarë.
Më tej, siç e kemi parë të gjithë, lufta e Rusisë në Ukrainë që paraqet sfida e kërcënime të shumëfishta për mbarë botën, e ka përforcuar edhe më tej këtë nevojë. Vënia përpara përgjegjësisë për krimet, për shkeljet masive, përshi llogaridhënien e individëve në kuadër të së drejtës penale, është kyçe për të rivendosur besimin e publikut tek drejtësia dhe te institucionet e sigurisë përfshirë Këshillin e Sigurimit dhe për të ndërtuar sundimin e ligjit dhe një paqe të qëndrueshme.
Siç e dimë të gjithë çështja e llogaridhënies mbetet në qendër të masave kolektive të bashkësisë ndërkombëtare për të zmbrapsur aktet e agresionit. Objektivat e sotme në debat janë të trefishta. Së pari, të rritet roli i bashkësisë ndërkombëtare për të vënë para përgjegjësisë shtete dhe ato që veprojnë për llogari të tyre për shkelje të rënda të së drejtës ndërkombëtare. Së dyti, të forcohen mekanizmat e llogaridhënies jo vetëm në nivel shtetëror, por po kështu në atë rajonal dhe ndërkombëtar.
Së treti, ta orientojmë vëmendjen tek viktimat, të përcaktojmë të vërtetën për krimet ndërkombëtare dhe shkeljet masive të të drejtave të njeriut dhe shkeljet e rënda të së drejtës ndërkombëtare humanitare është thelbësore për të vënë në vend të drejtat dhe dinjitetin e viktimave dhe të afërmve të tyre. Është po kështu kritike për të çuar më përpara paqen dhe pajtimin.
Kemi parë për shumë gjatë shkelësit, autorët e shkeljeve të renda të së drejtës ndërkombëtare të lihen të lirë pa asnjë pasojë e nuk duhet të lëmë askënd të besojë se mund të kryejë krime dhe mund t’ia dalë paq. Kjo ka ndodhur shumë shpesh, kudo. Nuk duhet toleruar, nuk duhet pranuar. Duhet të bëjmë gjithçka kemi në dorë për tu riangazhuar ndaj normave dhe vlerave themelore dhe të dyfishojmë përpjekjet për të zbatuar përputhshmërinë dhe respektimin e ligjit.
Kësisoj është e rëndësishme që të punojmë sëbashku në përputhje me të drejtën ndërkombëtare dhe parimet e objektivat e Kombeve të Bashkuara siç sanksionohen në kartën e OKB-së. Llogaria efektive do të kontribuojë për paqen, pajtimin dhe rritjen e sigurisë për të ndërtuar demokracinë në nivel lokal, rajonal, global e për ta mbrojtur dhe për të nxitur të drejtat e njeriut kudo. Duhet të bëjmë gjithçka mundemi që ta bëjmë botën gjithnjë e më të vogël për shkelësit duke përdorur mjetet dhe mekanizmat e llogaridhënies përmes drejtësisë. Pandëshkueshmëria duhet të mbetet histori", tha Rama.
Kryeministri Edi Rama ka publikuara një foto pak para se të nis debati në OKB. Rama shihet krah ambasadorit shqiptar në OKB,Ferit Hoxha teksa i japin shikimin e fundit fjalimeve.
"Backstage. Latimet e fundit të teksteve përpara kryesimit për herë të parë në histori të Këshillit të Sigurimit të Kombeve të Bashkuara nga Shqipëria", shkruan Rama.
Komente
Lajme të tjera
-
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Basha: Dënimi i Dakos pozitiv por i pamjaftueshëm, të hetohet për lidhjet me krimin e organizuar dhe blerjen e votave! Politika të ndahet nga krimi, luftë korrupsionit
25 Nëntor, 18:03 -
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
‘Rikthehet’ Merkel: Të bëjmë çmos kundër përdorimit të armës bërthamore
25 Nëntor, 14:28
-
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Dita kundër dhunës ndaj grave dhe vajzave/ Ministrja Koçiu: Kemi marrë nisma ndërgjegjësuese! Sot nisim fushatën 16 ditore me OKB-në
25 Nëntor, 09:39 -
Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës
24 Nëntor, 22:57 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
SHBA/ Trump emëron Brooke Rollins në krye të Departamentit të Bujqësisë
24 Nëntor, 19:16 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
E ardhmja e NATO-s dhe qëndrimet e Trump
24 Nëntor, 17:30
Ky meret me okb cmimet katastrof njerzit sdin ku te fusin kokenn,2500 litri naftes si me qen voj gatimi,kush po e rrun ky hall me fol ne okbe
PërgjigjuMe shkriu kjo pjesa ku ekspozohet fjala "president". Vetem per nje foto behet copash tjetri e si le vendin atij qe i takon. Pra ambasadorit sic dhe bejne gjithe te tjeret. Dhe mire qe ca nuk jane te kenduar por ata qe edhe lexojne ndonje gje e dine vendi ka mare presidencen dhe jo ky pyka.
PërgjigjuBravo dhe medias qe cdo kritike ndaj karagjozit e censuron. Madje ne mes te 2022!
PërgjigjuCa po u hyn ne xhep njerzve qe ramasi po flet ne okb ka shku nafta 2500 leke spo din ku te futin koken,te rrosh sa malet o udheheqesi yne
Pellazg Tungjatjeta Është momenti që duhet rëmuar çështja e barbarive të ardhaakve serb kundra krahinës ton veriore Dardania Më shum se një shekull shtypje barbari 1999 ishte kulmi Mbështeti se është detyrim i çdo Shqiptari të mbroj Shqiptarin e vet është edhe ligji nr 1 i kushtetutës së Shqipëris që shum udhëhes famkeq Shqiptar e lexojn prapsh Tung Edi
PërgjigjuPo, dhe eshte detyre e cdo kosovari te thote jemi komb kosovar, ca na duheni ju, ne jemi boll te mire vete, vetem pa ju, futbolli yne keshtu e ashtu e blablabla dhe kur m.. ju shkon deri ne gju beheni perseri shqiptare dhe bini ne doren tone si gjithmone. Popull me oportunist dhe hileqar se ju nuk ka.
Me shume se kurre kemi mundesine te tregojme qe jemi popull qe kemi qene gjithmone me te drejten dhe qe mbeshtesim paqen ne bote
PërgjigjuKemi shancin te tregojme vendosmerine dhe aftesite tona ne drejtimin e nje orgizate shume te rendesishme sic eshte okb
PërgjigjuNe dona me rregullu hallete e botes, por per vedi jena te funite per zdo gja
Me ju ne krye normal nuk kishte si te ndodhte ndryshe. Jeni nje kryemimister i denje dhe kam shum besim qe do e drejtoni ne menyren me te mire dhe do na beni teper krenare
PërgjigjuMe ju ne krye vendi jon Z Rama do te eci para. Ju keni bere shume per vendin tone dhe e keni cuar shume para. Ju lumte keshtu vazhdoni
PërgjigjuKjo eshte nje arritje e madhe per shqiperine. Po i tregojme botes vlerat dhe parimet tona.
PërgjigjuMe vjen mire qe ky veprim po i vleresohet dhe te gjithe vendet e botes po shohin se sa mikprites eshte vendi yne i bukur Shqiperia???? Edi Rama nje lider i zoti ne drejtimin qe i eshte dhene????meritonte vertet nje vleresim te tille per pritjen qe i beri afganeve dhe mbeshtetja qe i dha atyre ????Me ju perpara kryeminister!!!
PërgjigjuShqiperia po ecen shume perpara fale jush soti rama je mret
PërgjigjuNje arritje e madhe per vendin tone, jemi vend qe gjithmone e kemi mbeshtetur paqen ne bote, dhe kemi besim tek zoti Rama qe do e drejtoje sic duhet keshillin e sigurimit te OKB
PërgjigjuShqiperia sesht par kurr kaq lart ne poste te tilla bravo zoti rama per punen e shkelqyer qe beni dhe e keni cuan vendin ton ne te tilla nivele
PërgjigjuE meriton plotesisht Rama vendin qe ka arritur sepse ka bere te mundur qe te mbeshtese te gjithe ata persona qe kane pasur nevoje per ndihme sic eshte dhe rasti i refugjateve.Jemi nje vend pro paqes dhe do te bejme te pamunduren te ruajme sigurine ne vend.Shum arritje te tjera do te na vijne vetem fale kryeministrit tone.
Përgjigjui uroj sa me shume suksese zotit Rama
PërgjigjuBravo jeni me i miri
Përgjigju