POP 5

Lajmet më të lexuara të 5 minutave të fundit

Kronikë

Akuzohen për krime zgjedhore e falsifikim dokumentesh, Gjykata e Elbasanit liron nga qelia shefin e zjarrfikëses së Cërrikut dhe 4 zyrtarët e tjerë

Gjykata e Elbasanit ka liruar nga qelia drejtorin e zjarrfikëses në bashkinë e Cërrikut, Artjon Taçi, 36 vjeç, dhe 4 personat e tjerë të arrestuar tre ditë më parë me urdhër të Prokurorisë për falsifikim dokumentesh, ushtrim ndikimi të paligjshëm dhe përdorim të funksionit politik në veprimtari zgjedhore.Në seancën me dyer të mbyllura ndaj tyre është caktuar masa arrest shtëpie

Akuzohen për krime zgjedhore e falsifikim dokumentesh, Gjykata e Elbasanit liron nga qelia shefin e zjarrfikëses së Cërrikut dhe 4 zyrtarët e tjerë

Artjon Taçi

Gjykata e Elbasanit ka liruar nga qelia drejtorin e zjarrfikëses në bashkinë e Cërrikut, Artjon Taçi, 36 vjeç, dhe 4 personat e tjerë të arrestuar tre ditë më parë me urdhër të Prokurorisë për falsifikim dokumentesh, ushtrim ndikimi të paligjshëm dhe përdorim të funksionit politik në veprimtari zgjedhore. Në seancën e zhvilluar me dyer të mbyllura ndaj tyre është caktuar masa arrest shtëpie.

Bashkë me zyrtarin e zjarrfikëseve në pranga ranë edhe Agiano Dinoshi, punonjës i tatim taksave, Adnand Xhelili, specialist i zjarrfikëses, Alban Shima, përgjegjës i OSHEE Cërrik, dhe Armand Gjoka, punonjës i zjarrfikëses, të gjithë banues në Cërrik. Prokuroria i akuzon se në bashkëpunim me njëri tjetrin kanë dhënë vërtetime false për subjekte biznesi që kishin detyrime të pa paguara në bashkinë e Cërrikut. Ndaj pesë personave të arrestuar ka dyshime edhe për pjesëmarrje aktive në zgjedhjet lokale të 14 majit, në një kohë që ligji e ndalon angazhimin e punonjësve të administratës.

Sipas burimeve nga prokuroria e Elbasanit, hetimi ka nisur disa muaj më parë. I akuzuar në këtë çështje është edhe shtetasi me iniciale K.V, ndaj të cilit u vendos më herët masa "Detyrim paraqitje" dhe "Ndalim i daljes jashtë shtetit". Shefi i zjarrfikëses së cërrikut, Artjon Taçi është arrestuar edhe më parë nga policia pasi drejtonte mjetin në gjendje të dehur. Ai ra në pranga më 19 janar 2023, në qytetin e Cërrikut me akuzën “Drejtim i mjetit në mënyrë të parregullt në gjendje të dehur”, pasi u ndalua nga policia dhe ju bë testi i alkoolit, ku rezultoi në masën 2.0 mg/l, ndërsa në testin e dytë rezultoi me 1.225 mg/l.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

Pete Hegseth bën betimin si Sekretar i Mbrojtjes, mesazh ushtarakëve amerikanë: Do të jemi forca më e fuqishme dhe më vdekjeprurëse në botë

26 Janar, 07:43