Një shqiptar ka mbetur i plagosur rëndë, pasi është qëlluar me armë zjarri në zonën e Cartanos në Itali. Sipas mediave italiane, ngjarja ka ndodhur orët e para të ditës së djeshme në Francoli dhe policia njoftoi se shqiptari po vidhte një kamion në një fermë, kur u qëllua me armë zjarri tip çifte nga pronari italian Mario C.
Mësohet se për shkak të plagëve të rënda shqiptari është dërguar menjëherë në spitalin e Cardarelli të Napolit, ndërsa ndodhet jashtë rrezikut për jetën.
Gjithashtu bëhet e ditur se gjatë këtij incidenti, edhe italiani ka mbetur me një këmbë të thyer dhe një plagë në sy.
![](https://shqiptarja.com/template/img/NO_ALFA_Kuadrate shqiptarja.png)
Ndërkohë mediat lokale njoftojnë se të dy janë vënë nën hetim pas ngjarjes. Mbi shqiptarin rëndon akuza e grabitjes, ndërsa për italianin, vrasje në tentativë.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)