POP 5

Lajmet më të lexuara të 5 minutave të fundit

Kronikë

U kap me 50 kg hashash të presuar në banesë dhe 240 rrënjë canabis, lihet në burg 38-vjeçari në Berat

Gjykata e Shkallës së Parë Berat ka dhënë sot masën e sigurisë për 38-vjeçarin Petrit Dyli,i cili u arrestua 3-ditë më parë në kuadër të operacionit policor të koduar "Brothers",ku e gjetën dhe asgjësuan 50.5 kg Hashash i presuar brenda në një banesë në fshatin Pobrat në Dimal dhe 240 rrënjë canabis,të mbjella në një parcelë afër banesës

Gjykata e Shkallës së Parë Berat ka dhënë sot masën e sigurisë për 38-vjeçarin Petrit Dyli,i cili u arrestua 3-ditë më parë në kuadër të operacionit policor të koduar "Brothers",ku e gjetën dhe asgjësuan 50.5 kg Hashash i presuar brenda në një banesë në fshatin Pobrat në Dimal dhe 240 rrënjë canabis,të mbjella në një parcelë afër banesës.

Gjatë seancës, avokati i 38-vjeçarit Dyli ka kërkuar kryerjen e analizave të ADN-së në vendngjarje duke pretenduar se klienti i tij nuk ka pasur asnjë lidhje me drogën e gjetur në banesë dhe se në vendngjarje nuk ka asnjë shenjë gishtash të klientit të tij.

Fillimisht pretendimet e avokatit ditën e arrestimit që klienti i tij vuan nga probleme të shëndetit mendor kanë rënë poshtë, pas ekzaminimit mjeko-ligjor të mjekëve ekspertë.

Pasi ka dëgjuar prokuroren Albjona Papajani dhe avokatin mbrojtës, gjyqtarja Klejda Çapja ka vendosur për 38-vjeçarin Petrit Dyli masën e sigurisë "arrest në burg" me afat 45-ditë,deri në pritjen e aktit të analizave të ADN-së në Institutin e Mjekësisë Ligjore në Tiranë.

Në kuadër të operacionit policor të koduar "Brothers" që u zhvillua të Shtunën, është shpallur në kërkim edhe vëllai i 38-vjeçarit,Armando Dyli,40-vjeç.Gjatë këtij aksioni, në banesën e vëllezërve Dyli,që ndodhej në anë të aksit nacional Dimal-Fier u gjetën edhe disa ambiente të përshtatura për tharjen e lëndës narkotike.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Eduard Zaloshnja: Gjykata kushtetuese vs. realiteti elektoral

Eduard Zaloshnja: Gjykata kushtetuese vs. realiteti elektoral

26 Dhjetor, 09:59 nga Eduard Zaloshnja