Fier- U kapën me drogë dhe rreth 44 mijë euro cash në banesë gjatë një operacioni më 30 korrik 2022 në fshatin Kreshpan, Prokuroria e Fierit dërgon në gjyq edhe për pastrim parash dy të pandehur, babë dhe bir.
Lajmi konfirmohet nga institucioni i akuzës, që sqaroi se në kuadër edhe të hetimit pasuror të nisur ndaj të dyshuarve vitin e kaluar (përveç atij për drogën), janë evidentuar nga verifikimet financiare dhe kontabilitetit pasuri të tjera, që nuk justifikohen, konkretisht mbi 8,8 mln lekë dhe 6 makina.
Prokuroria bën me dije se përfundoi hetimet dhe dërgoi në gjyq shtetasit Arshi Hoxhaj, 49 vjeç dhe Eltjon Hoxhaj, 26 vjeç, familjarë, për veprën penale “pastrimi i produkteve të veprës penale ose veprimtarisë kriminale”, e parashikuar kjo në Nenin 287 të Kodit Penal. Nën akuzë për drogën është edhe djali tjetër i familjes, që i shpëtoi operacionit të parë.
Procedimi penal ndaj tyre, me numrin 776 të vitit 2023, nisi pas operacionit policor të koduar "Kreshpani" dhe provave të gjetura në kontrolle fizike, për vepra penale në fushën e narkotikëve. Gjatë aksonit u sekuestruan 40800 Euro dhe 3000 USD, si dhe 8 kilogramë drogë (kanabis), armë e 163 bimë narkotike të kultivuara.
“Të pandehurit, në bashkëpunim me njëri-tjetrin, kanë fshehur ose kryer mbulimin e natyrës së vërtetë dhe burimit të pronësisë ose të drejtave në lidhje me pasurinë, duke ditur që kjo pasuri është produkt i veprës penale ose i veprimtarisë kriminale”, sqarohet në njoftim.
Dhe sipas procedurave të kryera në vijim prej një viti, kryesisht ekonomik dhe juridik ndaj tyre dhe personave të tjerë të lidhur me ta (familjarë), janë zbuluar pasuri të tjera të pajustifikuara.
Dhe “pas kryerjes së verifikimeve dhe ekspertimit kontabël të tyre, ka rezultuar se ato nuk kanë burime të ligjshme për krijimin e pasurisë në zotërim apo posedim të tyre”.
Prokuroria konfirmon gjithashtu se “pasuria gjendje e tyre dhe e familjareve rezulton të jetë 6 automjete dhe shuma e parave cash në vlerën totale prej 8.778.866 lekësh, të cilat nuk justifikohen nga burime të ligjshme të ardhurash”.
Ja si u zbulua familja në aktivitet droge, u prangosën babë dhe bir, djali tjetër u arratis
Referuar informacioneve zyrtare të Policisë së Fierit momentin e aksionit të zhvilluar, më 30 korrik 2022, ndërhyrja u krye pas informacioneve mbi bazë operative të marra për aktivitetin e paligjshëm në fshatin Kreshpan të Fierit. Uniformat blu njoftuan se u arrestuan Arshi Hoxhaj, atëkohë 47 vjeç dhe Eltjon Hoxhaj, 24 vjeç, babë dhe bir, kurse në kërkim u shpall Damirel Hoxhaj, 23 vjeç, djali tjetër i familjes.
“Në kuadër të operacionit të koduar ‘Kreshpan’, u ushtrua kontroll në banesën e këtyre shtetasve, ku u gjetën dhe u sekuestruan në cilësinë e provës materiale, rreth 8 kg lëndë të dyshuar narkotike cannabis sativa, 2 armë gjahu pa leje, 4 automjete si dhe 40.800 euro, 3000 dollarë, të dyshuara të përfituara nga aktivitetet kriminale”, njoftonte policia pas aksionit.
Gjithashtu, në vijim të kontrolleve, në një sipërfaqe toke në pronësi të këtyre shtetasve, u gjetën të kultivuara 163 bimë të dyshuara narkotike cannabis sativa, të cilat u sekuestruan në cilësinë e provës materiale.
Lajme të tjera
-
Lushnjë/ Mbahet mesha e shenjtë e Krishtlindjeve në Kishën Katolike ‘Pjetri dhe Pali’, marrin pjesë besimtarë të shumtë
24 Dhjetor, 21:51 -
Miratohet buxheti i bashkisë së Fierit, këshilltarët e opozitës bashkojnë votat me PS-në
24 Dhjetor, 15:26
-
Fier/ Përplasen 2 automjetet ‘Benz’ në Levan-Tepelenë, 4 persona përfundojnë të plagosur në spital (VIDEO)
23 Dhjetor, 20:31 -
Moti i keq në Fier, reshjet intensive lënë pa energji elektrike Libofshën dhe rrethinat e saj
23 Dhjetor, 16:29 -
Moti i keq, Fieri përfshihet nga rrebeshet e shiut me erëra të forta! Vështirësohet qarkullimi, probleme me energjinë në Frakull
23 Dhjetor, 10:27 -
Aksident në aksin Fier- Lushnjë/ Makina e forcave ‘Shqiponja’ përplaset me barrierën ndarëse (VIDEO)
22 Dhjetor, 12:23 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Fier/ Morën zhavorr në Lumin e Vjosës, Prokuroria dërgon për gjykim 3 persona
21 Dhjetor, 10:31 -
‘Bankers’ investoi 10 milionë USD për komunitetin në 15 vite! Xiao: Përmirësojmë jetën e banorëve në Patos-Marinzë
20 Dhjetor, 17:17 -
Aksident në Lushnjë, një shofer i plagosur nga karambolimi i dy mjeteve! Shkak dyshohet shpejtësia e veturës
20 Dhjetor, 14:26
-
Fier/ Mashtrim, përndjekje, vjedhje dhe aksident, 4 persona të arrestuar, një në kërkim dhe një tjetër nën hetim! (EMRAT)
20 Dhjetor, 13:45 -
Lushnjë/ ‘Benzi’ përplas 66-vjeçarin me motor në aksin Fier-Shegan - Krutje (EMRI)
19 Dhjetor, 17:50
