Tre shqiptarë janë dënuar nga gjykata e Bristol në Angli, pasi në dhjetor të vitit të kaluar u kapën me një sasi të konsiderueshme kokaine, 6.3 kg që shkonte mbi 500 mijë paund dhe dokumente false. Shqiptarët që u arrestuan pak muaj më parë dhe në datë 7 shkurt u dënuan janë Endri Cena 26 vjeç, Denis Markeci 29 vjeç dhe Dorian Zili 25 vjeç.

Cena dhe Markeci pranuan akuzat dhe u dënuan respektivisht 7 dhe 5.8 vite burg, ndërkohë që Zili u gjet fajtor vetëm për dokumentet false duke u dënua me 6 muaj. Në momentin që agjentët ndërhyn për t'i arrestuar, Denis Markeci sipas medieve britanike reagoi duke përplasur makinën e policisë me makinën e tip Golf. Pas përfundimit të dënimit, shqiptarët do të dëbohen.