Ish-Prokurorja e Përgjithshme e SHBA-ve, Pam Bondi u diagnostikua me kancer të tiroides pasi u largua nga Departamenti i Drejtësisë në prill.

Bondi tha për CNN se po i nënshtrohet trajtimit, përfshirë një operacion që e kreu disa javë më parë. Ajo tha se është ende në rikuperim, por se “po ecën mirë”.

Presidenti Donald Trump e shkarkoi Bondi-n duke e zëvendësuar me Todd Blanche. Ajo do të dëshmojë të premten në hetimin e Komitetit të Mbikëqyrjes së Dhomës së Përfaqësuesve lidhur me Jeffrey Epstein.

Axios raportoi se ajo do të ketë një rol të ri në administratë, duke iu bashkuar Këshillit Presidencial të Këshilltarëve për Shkencën dhe Teknologjinë.

Kur u pyet për rolin e ri të Bondi, zv/presidenti JD Vance u shpreh në një deklaratë: “Pam ka qenë një aset jashtëzakonisht i vlefshëm për ekipin e presidentit dhe jam shumë i lumtur për të dhe për të gjithë ne që ajo do të vazhdojë të jetë e përfshirë në përballjen me disa nga çështjet më të rëndësishme me të cilat përballet administrata.”

Muaj të tërë para shkarkimit të saj, Trump kishte diskutuar frustrimet e tij me Bondi për atë që ai besonte se ishte dështim për të ndjekur në mënyrë agresive çështje kundër kundërshtarëve të tij politikë.

Ajo u kritikua gjithashtu për mënyrën se si trajtoi dosjet Epstein, të cilat rezultuan një problem i vazhdueshëm për administratën dhe për vetë presidentin, ndërsa ai përballej me kritika për miqësinë e tij me pedofilin.