POP 5

Lajmet më të lexuara të 5 minutave të fundit

Arkiva

U lirua nga amnistia
i riu kapet në grabitje

Patrullimet e policisë në terren, kanë parandaluar grabitjen e një supermarketi duke vënë në pranga edhe personin e dyshuar, i cili ishte liruar nga amnistia, pasi ishte dënuar për të njëjtën akuzë, atë të vjedhjes.
U lirua nga amnistia<br />i riu kapet në grabitje
TIRANE- Patrullimet e policisë në terren, kanë parandaluar grabitjen e një supermarketi duke vënë në pranga edhe personin e dyshuar, i cili ishte liruar nga amnistia, pasi ishte dënuar për të njëjtën akuzë, atë të vjedhjes. Lajmi është bërë i ditur nga burime zyrtare të Policisë së Tiranës, sipas të cilave Vilson Bunga, 28 vjeç, është arrestuar mbrëmjen e dy ditëve më parë në zonën e Unazës së re në kryeqytet. Ai është kapur para se të përfundonte misionin që ishte nisur të kryente, atë të vjedhjes me armë të supermarketit në pronësinë e një personi me inicialet H. K.
 
GRABITJA NË TENTATIVË
Vetëm një muaj pas lirimit nga amnistia, 28-vjeçari Vilson Bunga ka tentuar të grabisë me armë dhe i maskuar një supermarket në zonën e Yzberishtit. Ngjarja ka ndodhur rreth orës 21:00 të mbrëmjes së të hënës 5 maj, dhe është parandaluar nga prezenca pranë vendit të ngjarjes e dy agjentëve të Komisariatit numër 6 të Policisë së Tiranës. Agjentët kanë ndërhyrë menjëherë duke i bërë thirrje të dorëzohej 28-vjeçarit Bunga, që i armatosur me pistoletë ishte maskuar me një kapelë, shall dhe kapuçin e bluzës që mbante veshur. E kanë ndjekur dhe e kanë kapur ndërsa nuk e kanë patur të vështirë ta identifikojnë Bungën, i cili në vitet e fundit është shoqëruar dhe arrestuar disa dhjetëra herë për vjedhje dhe plaçkitje. Pas arrestimit ai është dërguar në ambientet e Komisariatit Numër 6 dhe më pas është shoqëruar për në qelitë e Drejtorisë së Policisë së Tiranës.
 
HETIMET E POLICISË
Sipas policisë, gjatë hetimeve ka rezultuar se 28-vjeçari Bunga pasi ka hyrë i maskuar dhe i armatosur me një pistoletë në supermarketin në pronësi të qytetarit me inicialet H.K., ka tentuar të vjedhë paratë e xhiros ditore. Herën e fundit ishte arrestuar nga Komisariati Numër 4 i policisë së Tiranës në muajin nëntor, dhe është liruar një muaj më parë duke përfituar nga amnistia. Bunga është siguruar në ambientet e izolimit të Komisariatit Numër 6 dhe akuzohet për tentativë grabitjeje me armë dhe armëmbajtje pa leje. Në cilësinë e provës materiale u sekuestrua arma e zjarrit pistoletë me një krëhër me 7 copë fishekë. Ndërkaq, dosja me materialet i është dërguar Prokurorisë së Tiranës, për “vjedhje me armë e mbetur në tentativë”.

Shkrimi u publikua sot, 7 maj 2014 në gazetën Shqiptarja.com (print)

Redaksia online
(d.a/shqiptarja.com)  
 

  • Sondazhi i ditës:

    Debati në PD, a duhet të kenë kandidatë në 61 bashki më 14 maj?

Lajme të tjera



×

Lajmi i fundit

Kombëtarja me dy rikthime, Sylvinho udhëton i plotë në Poloni

Kombëtarja me dy rikthime, Sylvinho udhëton i plotë në Poloni

25 Mars, 22:04