FOTOT/ U ndërtua për të strehuar londinezët nga bombardimet, tunelet sekrete të Luftës së Dytë Botërore do të hapen për publikun

Hera e fundit kur kalimet e nëndheshme që dikur mbroheshin nga Akti i Sekreteve Zyrtare të Mbretërisë së Bashkuar, ishin të hapura për të gjithë ishte periudha e luftës së dytë botërore.

Seria e tuneleve, të cilat ndodheshin rreth 40 metra nën stacionin e metrosë, Chancery Lane në High Holborn do të rikonstruktohen dhe do të kthehen në një pikë strategjike, ku do të preket nga afër historia dhe e shkuara e errët e atyre viteve.

Bëhet fjalë për një seri tunelesh të Luftës së Dytë Botërore, rikonstruktimi i të cilave do të kushtojë 268 milionë dollarë dhe do të mbarojë në vitin 2027.

Pas luftës, tunelet u zgjeruan dhe në to u ngrit “Kingsëay Telephone Exchange”, që në vitet 1950 shërbente për komunikimet e brendshme, gjatë Luftës së Ftohtë.

Atje shtrihej një rrjet i madh prej 5000 kabllosh dhe angazhoheshin rreth 200 punëtorë. Teknologjia pas qendrës telefonike u vjetërua nga fundi i dekadës, ndaj u çaktivizua. Tani, CEO i “The London Tunnels”, (Tunelet Londineze), dëshiron të sjellë në jetë historinë e këtyre tuneleve për vizitorët.

Një Londër nëntokësore

“Historia e tuneleve, rëndësia e tyre dhe vendndodhja midis Holbornit të Londrës dhe Square Mile, mund t’i bëjë këto tunele një nga destinacionet turistike më të njohura në Londër.”, tha Angus Murray, CEO.

Plani është që të investohen 170.5 milionë dollarë në punën e restaurimit dhe më pas 97 milion dollarë në të gjitha kambanat dhe objektet e tjera që gjendeshin në tunele. Momentalisht, atraksioni më i zhvilluar nëntokësor i Londrës është “Churchill Ëar Rooms”.

Gjithashtu, metroja e Londrës, organizon shpeshherë ture të ndryshme, për të eksploruar stacione të braktisura dhe tunele të fshehura. Megjithatë, aventurat nëntokësore në Londër do të bëhen më të jashtëzakonshme kur projekti i tuneleve të Luftës së Dytë Botërore, të ketë përfunduar.

M.T/Shqiptarja.com

TAG:
• lufta e dyte boterore
• tunel
• Britani e Madhe
• Londër