POP 5

Lajmet më të lexuara të 5 minutave të fundit

Politikë

Alibeaj paralajmëroi mbledhje të kryesisë pas dorëheqjes, disa anëtarë nuk pranojnë: Ai nuk ka më kompetencën për ta thirrur

Enkelejd Alibeaj, ditën kur u dorëhoq nga pozicioni i tij si kryetar i komanduar i grupi parlamentar në PD dhe nga posti i kryetarit të grupit parlamentar, paralajmëroi edhe një mbledhje kryesie e cila parashikohej që të mbahej ditën e sotme

TIRANË- Enkelejd Alibeaj, ditën kur u dorëhoq nga pozicioni i tij si kryetar i komanduar i grupi parlamentar në PD dhe nga posti i kryetarit të grupit parlamentar, paralajmëroi edhe një mbledhje kryesie e cila parashikohej që të mbahej sot, me qëllim nisjen e punës për riorganizmin e PD-së.

Por për disa anëtarë të kryesisë dhe deputetë, Enkelejd Alibeaj tashmë është i dorëhequr dhe nuk ka më tagrin apo kompetencën për të thirrur kryesinë e PD-së.

Deputetët e PD, pjesë e kryesisë së partisë Demokratike, pretendojnë se Alibeaj nuk i ka njoftuar gjatë kohës kur ishte kryetar i komanduar i PD-së. Dhe nga ana tjetër, pas dorëheqjes ato argumentojnë se Alibeaj tashmë nuk ka kompetenca që të thërrasë mbledhjen e kryesisë.

Ndërkohë sekretari i Përgjithshëm i PD-së Gazment Bardhi është në pritje të përgjigjes së Jorida Tabaku nëse do të marrë drejtimin e komanduar të PD-së apo jo, pasi aktualisht mban pozicionin e nënkryetares. Tabaku ka deklaruar se po e mendon ende propozimin e bërë nga Bardhi.

Sipas statutit të partisë, Jorida Tabaku mund të marrë drejtimin e përkohshëm të PD pasi është nënkryetare. Enkelejd Alibeaj deklaroi se do të vijojë të jetë nënkryetar i PD, por me tërheqjen nga kreu i grupit parlamentar, vihet në pikëpyetje edhe nëse do të mund të jetë nënkryetar.

Enkelejd Alibeaj dha dorëheqjen nga drejtimi i PD dhe pozicioni i kreut të grupit parlamentar, pak ditë pas humbjes së thellë në zgjedhjet e 14 majit, kur PD nuk arriti të ishte forcë e parë në asnjë prej 61 bashkive të vendit.

M.Q./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet që ndërkombëtarët të ushtrojnë më shumë presion ndaj Serbisë?

Lajme të tjera



×

Lajmi i fundit

Operacioni ‘Kurrë mos harro’, lihen në burg anëtarët e bandës së Laert Haxhiut! Avokati i Klea Gjatës: Nuk verifikohen dëshmitë e të penduarit për 3 ditë

Operacioni ‘Kurrë mos harro’, lihen në burg anëtarët e bandës së Laert Haxhiut! Avokati i Klea Gjatës: Nuk verifikohen dëshmitë e të penduarit për 3 ditë

1 Tetor, 14:01