U paraqit në spital i plagosur në të dyja këmbët me armë, arrestohet 39-vjeçari në Vlorë, nuk tregoi rrethanat e ngjarjes! Në kërkim autori 18-vjeçar

Pamje pranë spitalit të Vlorës

Ergys Likaj, 39-vjeçarin, i cili pasi u përfshi në një sherr, u plagos në të dyja këmbët më armë zjarri dhe u paraqit në spital për të marrë mjekimin e duhur mbrëmjen e djeshme, nuk ka treguar rrethana e ngjarjes dhe si pasojë është vënë në pranga nga policia e Vlorës për “Moskallëzim krimi”.

Policia e Vlorës ka arrestuar edhe K. Xh., për veprat penale “dhe “Deklaratë e rreme përpara oficerit të policisë gjyqësore”.

Ndërkohë autori i dyshuar i plagosjes së 39-vjeçarit është identifikuar si Ersiljo Mataj, 18 vjeç, i cili është shpallur në kërkim nga policia.

Ngjarja e cila degradoi në përdorim arme dhe u përfshinë edhe dy personat e arrestuar nga policia  Vlorës, ka ndodhur mbrëmjen e djeshme.

Rendit zhvillimet sipas orarit:
Ora 17:55
Plagosja me armë e 39-vjeçarit mbrëmë në Vlorë, autori një 18-vjeçar

Ersiljo Mataj, 18 vjeç, dyshohet se është autori i plagosjes së 39-vjeçarit Ergys Likaj mbrëmjen e djeshme në Vlorë. Me një njoftim për mediat, Policia bën me dije se 18-vjeçari, banues në Vlorë, është shpallur në kërkim për veprat penale “Plagosje e rëndë me dashje” dhe “Armëmbajtja pa leje”.

J.GJ./J.SH./Shqiptarja.com
  • Sondazhi i ditës:

    Frika nga varianti Delta, a është momenti i vaksinimit me detyrim për kategori të caktuara të popullatës ?

Komento


×

Lajmi i fundit

John

Flutura Açka përlotet në 'Pa protokoll' për të birin e ndjerë: Njeri i bukur që më tregoi si përballohet vdekja