U përfshi në një aksident dhe shpërndau të brendshmet e pulave në rrugë, shpallet në kërkim 53-vjeçari në Durrës

U përfshi në një aksident dhe shpërndau të brendshmet e pulave në rrugë, shpallet në kërkim 53-vjeçari në Durrës

Pamje nga askidenti

DURRËS- Shoferi i kamionçinës, i cili u përfshi në një aksident dy ditë më parë në Durrës, teksa po transportonte të brendshme të pulave, të cilat u shpërndanë dhe u lanë në rrugë, është shpallur në kërkim nga policia.

Sipas bluve të Durrësit, u shpall në kërkim shtetasi A.H, 53-vjeç, banues në lagjen nr.13 në Durrës, për veprën penale 'Ndotja e ajrit'. 53-vjeçari, A.H, hodhi në anë të rrugës, mbetjet shtazore që shkaktuan ndotje të ajrit, ndërsa nuk dihet nëse pulat ishin të infektuara nga gripi i shpendëve.

Kalimtarë të rastit kanë treguar se mbi kamionçinë ishte vendosur kashtë për të mbuluar ngarkesën që ishin të brendshmet e pulave. Fillimisht ngjarja u raportua përmes një kamera amatore në rrjetet sociale.

Sakaq u zbulua se ngjarja ka ndodhur rreth mesditës së të hënës, ndërsa mbetjet nuk ishin hequr nga rruga edhe pas 24 orëve. Në terren u konstatuan gjithashtu ende të brendshme pulash të cilat kishin përfunduar në kanalin më të afërt pa u pastruar duke shkaktuar një ndotje mjedisi dhe rrezik më të madh duke marrë parasysh dhe situatën e përhapjes së gripit të pulave.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të miratohet ligji për amnistinë fiskale deri në 2 milionë euro?



×

Lajmi i fundit

John

Përleshje e dy grupeve shqiptare në aeroportin e Perugias në Itali! 8 persona të arrestuar, momenti kur qëllohen me grushta e shkelma (VIDEO)