POP 5

Lajmet më të lexuara të 5 minutave të fundit

Bota

U përpoqën të mbërrinin në brigjet e Evropës, përmbytet gomonia e nisur nga Libia! Humbin jetën 55 emigrantë

Një gomone që transportonte dhjetëra emigrantë me destinacion për në Evropë u mbyt në brigjet e Libisë dhe për pasojë humbën jetën 55 persona, duke përfshirë gra dhe fëmijë. 

U përpoqën të mbërrinin në brigjet e Evropës, përmbytet gomonia e nisur nga Libia! Humbin jetën 55 emigrantë

Emigrantë të shpëtuar në Libi

Një gomone që transportonte dhjetëra emigrantë me destinacion për në Evropë u mbyt në brigjet e Libisë dhe për pasojë humbën jetën 55 persona, duke përfshirë gra dhe fëmijë. Lajmi u bë i ditur nga një agjenci e OKB-së duke e përcaktuar si tragjedinë e fundit të ndodhur në këtë pjesë të detit Mesdhe, një rrugë kyçe që përdoret nga emgrantët për të depërtuar drejt Evropës.  

Organizata Ndërkombëtare për Migracionin tha se fatkeqësia ndodhi ditën e djeshme. Varka mbante të paktën 60 emigrantë dhe ishte nisur nga qyteti bregdetar i Garabouli, në lindje të kryeqytetit të Libisë, Tripoli.

Agjencia tha se pesë emigrantë i mbijetuan mbytjes së anijes dhe u sollën përsëri në breg nga roja bregdetare libiane. Nuk ishte menjëherë e qartë se çfarë ndodhi me anijen.

Safa Msehli, një zëdhënëse e IOM-it, tha se anija u përmbys pak kohë pasi u largua nga Garabouli. Ajo tha se roja bregdetare libiane deri më tani ka marrë trupat e nëntë burrave dhe një fëmije.

Pesë të mbijetuarit përfshijnë katër burra - tre pakistanezë dhe një egjiptian dhe një fëmijë sirian.

Kjo ishte tragjedia e fundit në Detin Mesdhe qendror, një rrugë kyçe për emigrantët. IOM tha se të paktën 537 njerëz janë mbytur ose zhdukur në katastrofat e emigrantëve në Mesdhe jashtë Libisë deri më tani këtë vit, ndërsa mbi 4,300 janë kapur dhe janë kthyer në breg.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57