U prangos për gjobëvënie 90 mijë euro, Krimet e Rënda burg pa afat vrasësit të Mirit të Xhikes

Gjykata e Krimeve të Rënda ka lënë në burg 37-vjecarin Lavdrim Tufa, të akuzuar për gjobëvënie dhe kanosje ndaj një biznesmeni. Tufa i ka kërkuar administratorit të një firme fasonësh 90 mijë euro me pretendimin se ia kishte detyrim një biznesmeni italian 49-vjecarit me inicialet P.E.

Gjykata e ka lënë në fuqi masën “arrest me burg”, duke marrë parasysh edhe faktin se Lavdrim Tufa është një person me precedent të mëparshëm penal, pasi është dënuar për vrasjen e Fatmir Ramës, të njohur si Miri i Xhikes. Lavdrim Tufa e ka kërcënuar disa herë biznesmenin e fasonëve, duke i kërkuar shumën prej 90 mijë eurove dhe duke i thënë se nëse nuk paguante, do të pendohej.

Lavdrim Tufa është një emër i njohur për drejtësinë. Ai është arrestuar dhe dënuar si autor për vrasjen e Fatmir Ramës, i njohur ndryshe si Miri i Xhikes. Lavdrim Tufa e qëlloi Fatmir Ramën dhe dy persona të tjerë në vitin 2003, në një lokal në zonën e Lundrës. Miri i Xhikes mbeti i vdekur në vend, ndërkohë që edhe Lavdrim Tufa u plagos. Pas një kalvari gjyqesh Lavdrim Tufës i hiqet burgimi i përjetshëm dhe dënohet më 20 vite burg, ndërkohë që në 2015 është liruar me kusht nga gjykata e Tiranës.

LEXO EDHE:
Shenjat që kanë më shumë gjasa të fillojnë një zënkë në tryezën e festave

TAG:
• Lavdrim Tufa

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1553

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq