POP 5

Lajmet më të lexuara të 5 minutave të fundit

Kronikë

U premtonin të huajve përfitimin e shtetësisë shqiptare kundrejt shumës 1000-1500 euro, arrestohen tre persona të Tiranë

Policia e Tiranës ka arrestuar tre persona, pasi premtonin viza, leje qëndrimi e pasaporta shqiptare për shtetas të huaj, nga 1000 deri 1500 euro. Sipas policisë, të arrestuarit kanë gënjyer shtetasit e huaj, duke përfituar shuma parash në mënyrë të paligjshme

U premtonin të huajve përfitimin e shtetësisë shqiptare kundrejt shumës 1000-1500 euro, arrestohen tre persona të Tiranë

Foto ilustruese

Policia e Tiranës ka arrestuar tre persona, pasi premtonin viza, leje qëndrimi e pasaporta shqiptare për shtetas të huaj, nga 1000 deri 1500 euro. Sipas policisë, të arrestuarit kanë gënjyer shtetasit e huaj, duke përfituar shuma parash në mënyrë të paligjshme.

Në kuadër të operacionit të koduar ‘Visa’, janë arrestuar shtetasit D. Ç., 39 vjeçe, E. A., 32 vjeç dhe A. D., 36 vjeç, të tre banues në Tiranë.

Policia njofton se arrestimi i shtetasve të sipërpërmendur u bë pasi shtetasja D. Ç. (e dyshuar si organizatore), nëpërmjet kamuflimit me një aktivitet tjetër tregtar, në bashkëpunim me shtetasit e tjerë, u ka premtuar disa shtetasve të huaj pajisjen e tyre me dokumentacion si viza, leje qëndrimi dhe përfitimin e shtetësisë shqiptare kundrejt shumave të konsiderueshme që varionin nga 1000 deri 1500 euro.

Në cilësinë e provës materiale u sekuestruan një pasportë që i përket një shtetasi të huaj, një vizë e dyshuar e falsifikuar, dy aparate celular dhe dokumente të ndryshme në funksion të aktivitetit kriminal.

Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprat penale "Falsifikimi i dokumentave", “Falsifikimi i vulave stampave, formularëve ose vizave”, “Fshehja e të ardhurave" dhe "Shpërdorim detyre”, në ngarkim të 3 shtetasve të lartpërmendur.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Adriatik Doçi: U përball me bandat me automatik/ Kush është Elvin Gogaj, prokurori që po heton Belind Këlliçin

Adriatik Doçi: U përball me bandat me automatik/ Kush është Elvin Gogaj, prokurori që po heton Belind Këlliçin

27 Dhjetor, 10:46 nga Adriatik Doci