Kolegji i Posaçëm i Apelimit ka ndryshuar vendimin e Komisionit të Pavarur të Kualifikimit, që në shtator të 2022 ka shkarkuar nga detyra Prokurorin e Tiranës Julian Xhengo.
KPA vendosi pezullimin nga detyra të Xhengo për një periudhë njëvjeçare dhe më pas të ndjekë programin e trajnimit, sipas kurrikulave të miratuara nga Shkolla e Magjistraturës.
Xhengos nga KPK iu vu në dukje një bilanc negativ i prindërve në investimet e kryera në një shtëpi private në Tiranë si dhe me mospërputhjet në transaksionet për blerjen e një makine, të blerë nga ai dy herë më lirë nga sa e kishte blerë pala shitëse. Po ashtu atij iu kërkuan shpjegime për disa çështje hetimore dhe për figurën.
Gjatë procesit të vetingut Xhengo kundërshtoi në seancë gjetjet e Komisionit për pasurinë; një raport negativ të Drejtorisë së Sigurimit të Informacionit të Klasifikuar DSIK si dhe konstatimet për shtyrje të hetimeve dhe marrje të vendimeve jashtë afateve, pa kryer veprime hetimore.
Njoftim vendimi
Trupi gjykues i Kolegjit të Posaçëm të Apelimit, i përbërë nga Ina Rama kryesuese, Mimoza Tasi relatore, Albana Shtylla, Rezarta Schuetz, Sokol Çomo anëtarë, shpalli vendimin për çështjen (JR) nr. 50/2022, datë 05.12.2022 që i përket ankimit të subjektit të rivlerësimit Julian Xhengo kundër vendimit të Komisionit të Pavarur të Kualifikimit nr. 560, datë 14.09.2022.
Në përfundim të gjykimit në dhomë këshillimi, trupi gjykues, bazuar në nenin Ë, pika 1, të Aneksit të Kushtetutës, nenin 44, shkronja "b" dhe në nenin 66, pika 1, shkronja “b” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi:
1. Ndryshimin e vendimit nr. 560, datë 14.09.2022, të Komisionit të Pavarur të Kualifikimit, që i përket subjektit të rivlerësimit Julian Xhengo.
2. Pezullimin nga detyra të subjektit të rivlerësimit Julian Xhengo për një periudhë njëvjeçare dhe detyrimin për të ndjekur programin e trajnimit, sipas kurrikulave të miratuara nga Shkolla e Magjistraturës.
3. Ky vendim është përfundimtar dhe ka efekt të menjëhershëm.
U shpall sot, në Tiranë, më datë 02.11.2023.
Lajme të tjera
-
Gjyqtarja Ardiana Bera jep shpjegime për bilancet negative dhe vendimin për 21 janarin
24 Prill, 20:09
-
KPA lë në fuqi shkarkimin e prokurorit të Beratit Tasim Puci, Vetingu lë jashtë dhe ndihmësin ligjor të gjykatës Administrative
19 Prill, 21:43 -
I dha vulën e PD-së Berishës, KPK shkarkon nga detyra gjyqtarin Agron Zhukri! S'justifikon 93 mln lekë pasuri
19 Prill, 09:48 -
KPA shkarkon prokurorin Erjon Pano
15 Prill, 18:29 -
'Vetingu' i kërkon Kuvendit rritjen e pagave për administratën e saj! Ja sa do të paguhet, sekretari i përgjithshëm, drejtori dhe këshilltari për median
10 Prill, 21:46 -
KPA pezullon nga detyra prokurorin e Gjirokastrës Juljan Çafka, e kthen në shkollën e Magjistraturës për 1 vit
5 Prill, 15:51 -
KPA konfirmon në detyrë prokurorin e Elbasanit, Artur Ismajlukaj por do dërgohet për hetim disiplinor nga ILD
2 Prill, 19:35 -
Prokurori Milan Laskaj jep shpjegime për blerjen e një apartamenti
26 Mars, 19:59 -
KE: Gjyqtarët e prokurorët e inkriminuar para drejtësisë! Shqetësim, numri i lartë i azilkërkuesve! Vijoni konsultimet me BE për kultivimin e kanabisit mjekësor
26 Mars, 13:38 -
Gjyqtari Gentian Hamiti konfirmohet në detyrë
19 Mars, 19:26 -
KPK konfirmon në detyrë gjyqtarin e Gjykatës Administrative të Tiranës, Bezart Kaçkini
11 Mars, 13:26 -
'Strasburgu' i dha të drejtë, Antoneta Sevdari jo më e shkarkuar, KPA prish për herë të parë vendimin e vetingut! Dosja do të rishqyrtohet më 17 prill
11 Mars, 10:41
