POP 5

Lajmet më të lexuara të 5 minutave të fundit

Kronikë

U vetëvra prej dhunës nga bashkëshorti, përcillet sot për në banesën e fundit 52-vjeçarja Fatbardha Likrama, e motra tregon kalvarin e vuajtjeve:  E kanë rrahur se ishte çame

Motra e saj, Flutur Kalemaj ka treguar për mediat të gjithë kalvarin e vuajtjeve që 52-vjeçarja ka përjetuar gjatë 30 viteve martesë. Ajo tregon se dhunohej jo vetëm nga bashkëshorti, por nga e gjithë familja e tij.

Fatbardha Likrama, nënë e tre fëmijëve, tentoi t'i shpëtojë dhunës së bashkëshortit, duke u larguar në shtëpinë e motrës, që jeton përballë pallatit të saj në lagjen “Vullnetari” në Elbasan. Por gruaja e dhunuar, që 3 ditë më parë kishte zgjedhur të mos heshtte dhe guxoi të denoncojë dhunën në polici, u mor forcërisht nga shtëpia e motrës për t'u kthyer në gjirin familjar, që ndryshe nga paqja dhe dashuria i ofronte dhunë. Nën këtë presion, e ndjerë e vetme dhe pa mbështetje,  52-vjeçarja i dha fund jetës, duke u hedhur nga kati i tretë i pallatit pasditen e 4 majit. Deshmia e motres, Flutures eshte tronditese: E rrihnin se ishte çame dhe familja e burrit nuk e donte.

Sot Fatbardha përcillet në banesën e fundit në ceremoninë që e kanë marrë përsipër prindërit e saj që jetojnë po në Elbasan. Ceremonia do të presë deri në mbërritjen nga Italia të disa familjarëve të Fatbardhës. Në lagjen "Vullnetari" nuk ka asnjë shpallje për vdekjen e Fatmbardha Likramës.

Fqinjët, që më shumë siguri e dinin dhunën që përjetonte gruaja, pas vdekjes së saj, e quajnë familjen bashkëshortore të Bardhës me “zonja” e “zotërinj”, por gruaja ishte edhe nën dhunën e vazhdueshme të kunatës dhe vjehrrës së saj.

Motra e saj, Flutura Kalemaj ka treguar për mediat të gjithë kalvarin e vuajtjeve që 52-vjeçarja ka përjetuar gjatë 30 viteve martesë. Ajo tregon se dhunohej jo vetëm nga bashkëshorti, por nga e gjithë familja e tij.

"E rrihte burri, vjehrri, kunata, vjehrra. Vjehrra me vjehrrin e kapën nga flokët në një rast dhe e kishin marrë zvarrë. Në një rast tjetër burri i theu dhëmbët. Në një rast tjetër motra e burrit, kunata e kishte përplasur në tokë dhe i motrës i kishte rënë të fikët. Kishte 30 vite e martuar dhe që dhunohej. Ata e dhunonin sepse nuk e donin çame. Një vit motra ka fjetur në tokë, nuk e linte vjehrra, i thoshte burrit të saj pse e more çame. Më erdhi para disa ditësh, ishte bërë e verdhë, e kishin lënë pa ngrënë. I dhashë bukë, e mori veten. I erdhi çuni i tha hajde në shtëpi. Motra nuk donte të shkonte, i tha nuk vij. Unë isha në gjumë, ajo kishte ikur. Erdhi pas 2 orësh, kishte marrë rrobat. E kishte vendosur që do ndahej. Më thoshte o ndahem o vras veten", thotë ajo.

Policia deklaroi se motivi i vetëvrasjes ishte “depresioni”, por motra e 52-vjeçares tregon se ajo nuk ishte në depresion.

"Ajo ishte shumë mirë e qetë, nëse do ishte me depresion, do më kishte thënë. Nuk kurohej për depresion. Por policia nuk mori masa dhe ajo bëri këtë veprim", tha ajo.

Kujtojmë se dy ditë para se të vetëvritej, Fatbardha Likrama kishte bërë denoncim në polici dhe kërkoi urdhër-mbrojtje ndaj dhunës nga bashkëshorti Pëllumb Likrama 55-vjeçar dhe më pas u strehua tek e motra. Burimet thanë se të nesërmen (3 Maj) e kishte marrë forcërisht i biri 20-vjeçar për ta kthyer në familje. Në dëshminë e së ndjerës dhënë dy netë para ngjarjes, thuhet se kishte frikë se mund ta rrihnin sërish.

Në momentin e aktit të vetëflijimit në shtëpi nuk ka qenë asnjëri prej familjarëve dhe 52-vjeçarja, nga kati i parë ku jetonte është ngjitur në katin e tretë dhe është vetëhedhur duke gjetur vdekjen e menjëhershme.

1651743637_FatbardhaLikrama.jpg

Viktima Fatbardha Likrama

/a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 06/05/2022 01:44

    Motres se viktimes do t'i thoja se ka dy lloj njerez qe vetevriten.1-ata qe dalin ne vende te rrezikshme dhe deklarojne me te madhe se do vetevriten.Keta ne te vertete nuk e bejne por kerkojne ndihme.Shkaqet mund te jene nga me te ndryshme qe i cojne deri ketu.2-ata qe vetvriten pa i thene askujt dhe pa bere shfaqje.Keta e kane me tere mend dhe arsyet jane te ndryshme.Pra viktima ka vuajtur nga depresioni,por e ka mbajtur permbrenda,pa u hapur as me motren.Humbja e shpreses,mosbesimi dhe nenshtrimi kane ndikuar keqaz.Me intrigon sjellja e femijeve,sidomos e djalit 20 vjecar qe e rimorri ne shtepine e torturave.Cfare mendimi kishin? Mos valle ishin dhe ata O.K.me trajtimin qe i behej nenes se tyre?

    Përgjigju
  • Meri: 05/05/2022 13:46

    Nji gje nuk kuptoj,pse keto gra te dhunuara nuk divorcohen ,por zgjedhin te vetflijohen ???

    Përgjigju
    • Loni: 05/05/2022 14:45

      Fryma e opinionit publik frike sepse te mbajne mbyllur edhe nuk di ku te shkosh dyert ste hapen edhe logjika zero! Cuditerisht kur behen koshiente eshte shum vone edhe mendojne fundin... Nuk eshte kurre vone per te startuar nje episode jete te ri larg dhunes larg stresit psikologjike larg mbylljes ne nje shtepi! Njeriu do variete do nje pushim nje shplodhje mendore! E gjithe ky stres sjell flijimin! Njoh dy raste konkrete burri I mbante mbyllur pa dalur edhe me nga 2 femije! Martese e rregullt prej mbi 20 vjetesh iken I lan burrat e tyre per arsye sepse rriheshin sistematikisht! E cuditshme mentaliteti shqiptar! Me pak fjale izolim injorance e gjalle!

  • Gimi: 05/05/2022 11:30

    Te arrestohet burri...

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Pesë pyetje për 2025-ën

Pesë pyetje për 2025-ën

26 Dhjetor, 08:23