Rreth 300 persona morën pjesë në varrimin e Vera Myrtajt (Mynevere Karabollaj), shqiptares së vrarë nga ish-bashkëshorti Viron Karabollaj. 37-vjeçarja u përcoll mes dhimbjes dhe lotëve nga të afërmit, miqtë dhe dy vajzat e saj.
Mbi varrin e Verës u vendosën kurora dhe dedikime dhe një fotografi e saj, ku mbishkrimi ishte: "Mendja kujton atë që zemra nuk harron". Në varreza ishte edhe kryetarja e qytezës Martina Vesnaver për të bërë homazhe për viktimën e krimit të tmerrshëm.
Ndërsa disa fqinj u shprehën: "Nuk mund të mos ishim atje. Duhet bërë gjithçka që kjo ngjarje të mos përsëritet". 2 javë më parë, Viron Karabollaj vrau edhe partnerin e ri të gruas, Flonino Mërkurin, po shqiptar, e më pas i dha fund jetës.
Si ndodhi ngjarja tragjike
Vera u nda nga i shoqi tre vjet më parë dhe jetonte me dy vajzat e saj në Spinea (Venecia). Për një vit e gjysmë ajo kishte një partner të ri. Një lidhje që mund të ketë shkaktuar xhelozinë e ish-it që i vrau të dy të dielën e 20 nëntorit. Viron Karabollaj hyri në banesë rreth orës 18:30 dhe qëlloi fillimisht në kokë ish-bashkëshorten e më pas sulmoi me dhunë partneren e tij të re, Flonino Merkuri, duke e goditur me thikë vazhdimisht dhe më pas e ndoqi deri në garazhin e shtëpisë, ku i riu tentoi më kot të ikte për t'i shpëtuar sulmit brutal.
Në këtë pikë 41-vjeçari me kombësi shqiptare ishte kthyer lart për të vrarë Vera Myrtajn me thikë. Autopsia numëroi gjithsej 10 goditje, nga të cilat ata që arritën në zemrën dhe mushkëritë e 37-vjeçares ishin fatale. Ndërsa goditjet që kishte marrë Flonino Mërkuri ishin 55 dhe ata i prekën pjesë të ndryshme jetike, duke e vrarë në vend 23-vjeçarin.
Hetuesit rindërtojnë kështu dinamikën e vrasjes së dyfishtë të ndodhur pasditen e së dielës së kaluar, mes orës 18:00-18:30, brenda vilës në via Leopardi, në Spinea, ku jetonte çifti. Karabollaj kishte sjellë me vete pistoletën që përdori për të qëlluar ish-bashkëshorten e tij: një armë që me siguri e kishte modifikuar vetë, por e bënte atë jo vdekjeprurëse. Plumbi që e ka goditur tridhjetë e shtatë vjeçaren në kokë, në nivelin e syve, në fakt nuk i ka shkaktuar vdekjen dhe për këtë Karabollaj i është dashur t’i shkaktojë plagë me thikë në trupin e gruas.
Pasi përfundoi planin e tij të çmendur, Karabollarj vrau veten brenda një kasolle të kompanisë për të cilën punonte.
Foto nga varrimi
Komente
Lajme të tjera
-
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48
